Më puth dhe do të shohësh se sa e rëndësishme jam

Lifestyle

Më puth dhe do të shohësh se sa e rëndësishme jam

Më: 1 janar 2021 Në ora: 11:58
Foto ilustrim

“Më puth dhe do të shohësh se sa e rëndësishme jam”, ka thënë një poete dikur.

Puthja erotike (në krahasim me puthjen e respektit, miqësisë, mirësjelljes ose prindit-fëmijë) është e njohur në shumicën e kulturave në mbarë botën. Shumica dërrmuese e të rriturve anembanë globit kanë përjetuar ngathtësinë, ngazëllimin, konfuzionin dhe kënaqësinë e saj.

Por duhet të pranojmë se praktika e puthjes është më shumë se e çuditshme. Pse shkëmbimi i pështymës dhe mbetjeve të ushqimit do të konsiderohej një ngjarje e dëshirueshme, një ritual i pasionit?

Opinionet në mes të dijetarëve ndryshojnë në lidhje me funksionin dhe origjinën e puthjes. Një hipotezë është se puthja ka evoluar si një mekanizëm për mbledhjen e informacionit rreth partnerëve potencialë të mundshëm.

Një puthje na sjell në afërsi të ngushtë fizike me dikë tjetër, mjaft afër sa të na bëjë dhe t’i shijojmë ato.

Zona e fytyrës është e pasur me gjëndra që nxjerrin kimikate që mbajnë informacion gjenetik dhe imunologjik. Pështyma jonë mbart mesazhe hormonale.

Një tjetër hipotezë pohon se puthja funksionon kryesisht në nivelin e psikologjisë, si një mënyrë për të shprehur dhe përforcuar ndjenjat e besimit, afërsisë dhe intimitetit me një tjetër.

Përveç kësaj, kur ne e puthim dikë, e sjellim atë person në hapësirën tonë të ndjeshme personale dhe pajtohemi të marrim rrezikun e kapjes së një infeksioni apo sëmundjeje. Një puthje pra është një shprehje e hapjes dhe besimit.

Nga ana tjetër, puthja mund të shërbejë si dëshmi dhe shprehje e zgjimit seksual. Kjo teori parashikon që puthja nuk do të jetë pjesë përbërëse e aktiviteteve seksuale ku mungojnë dëshirat dhe intimitetet e sinqerta.

Antropologu evolucionist Helen Fisher i Universitetit Rutgers në New Jersey ka propozuar një teori të integruar të rolit të puthjes.

Sipas Fisher, puthja luan një rol në secilën nga tre fazat e strategjisë sonë të evoluar riprodhuese: Së pari, puthja ndihmon në frymëzimin dhe drejtimin e dëshirës seksuale, gjë që na bën të dëshirojmë seks me partnerë të shumtë.

Më vonë, puthja punon për të ushqyer zjarret e dashurisë romantike, përzemërsinë e thellë që na motivon të zgjedhim një nga partnerët e shumtë.

Së fundi, puthja na ndihmon të mbështesim dhe të përforcojmë lidhjet e vazhdueshm, të cilat na lejojnë të qëndrojmë së bashku për një kohë të gjatë për të rritur fëmijët tanë (transportuesit tanë të gjeneve).

comment Për komente lëvizni më poshtë
Sot mund të lexoni Shfletoni kopertinat