Qentë ashtu sikur njerëzit mund të vuajnë nga depresioni. Edhe pse depresioni nuk është diagnostifikuar saktësisht tek qentë, veteranët dhe ekspertët e sjelljeve të kafshëve kërkojnë nga pronarët e tyre që të kenë kujdes te shenjat e reja që paraqiten tek ata.
Me sjellje të duhura, pronarët mund t’i ndihmojnë kafshët e tyre që ta kalojnë më lehtë dhe më shpejtë depresionin, shkruan Countryliving.
Depresioni tek qentë mund të shfaqet në nëntë forma të ndryshme që janë:
Nivel i ulët i aktiviteteve fizike
Humbja e interesit në gjërat me të cilat më parë argëtohej
Ndryshimi i zakonit të ngrënies, duke ngrënë shpeshherë më pak
Rritja e kohëzgjatjes së gjumit
Shfaqja e shenjave të agresivitetit
Lëpirja e tepërt, sidomos e putrave
Palosja e veshëve
Më pak komunikim me qentë tjerë
Regres në sjelljet trajnuese
Të gjitha këto shenja sipas ekspertëve të sjelljes së kafshëve, mund të shfaqen si pasojë e ndryshimeve në mjedisin ku jeton qeni. Këto ndryshime mund të përfshijnë: ndryshimi i shtëpisë, humbja e pronarit apo e dikujt tjetër në shtëpi, lëndimi nga palumturia e pronarit etj.
