Nëse qenushi juaj ndihet i trembur mos e përqafoni. Gjeni një mënyrë tjetër për t'i shprehur dashurinë katërputrakut tuaj.
Sipas një studimi nga Universiteti British Columbia qentë i urrejnë përqafimet. Nëse mendoni se një veprim i tillë i qetëson, nuk është e vërtetë. Sipas Dr Coren, kur qentë ndihen të kërcënuar, ata nuk kafshojnë, por duan të vrapojnë, të largohen.
Nëse ju i detyroni të qëndrojnë vetëm për t'i dhënë një përqafim, mos e bëni më. Ky veprim rrit nivelin e stresit tek kafsha juaj.
Për t'jua bërë sa më të besueshme, Dr. Coren mblodhi 250 fotografi të njerëzve duke përqafuar qentë e tyre dhe ajo çfarë vuri re është për t'u habitur. Qentë shprehnin shenja të ankthit e nervozizmit. Dr. Coren pohoi se në 81.6 për qind të fotografive qentë shfaqnin ndjesi negative dhe vetëm në 7.6 për qind të fotografive qentë ishin të gëzuar.
