Flokët mund të rriten 0.5 deri në 1.7 centimetra çdo muaj. Për këtë arsye, mendojmë se mund të arrijmë gjatësinë e dëshiruar pas një kohe të shkurtër, por kjo nuk ndodh për të gjithë. Duke patur parasysh që flokët kërkojnë kujdes të veçantë, nganjëherë mund t’i dëmtojmë duke i modeluar gabimisht.
Flokët e kapura bisht
Ky model mund të japë një pamje elegante, por mund të shkaktojë dhimbje koke. Kur i tërhiqni dhe i lidhni pas, mund të dëmtohen gjëndrat, të cilat mund të shkaktojnë humbje të flokëve ose probleme me rritjen e tyre.
Topuz i çrregullt
Ndër modelet e preferuara të vajzave, pasi nuk kërkon shumë kohë. Por duhet të kini kujdes, pasi mund të mos jetë një zakon i shëndetshëm. Mund të përjetoni humbje të flokëve përgjatë vijës për shkak të fijeve që tërhiqen vazhdimisht.
Gërsheta afër rrënjës
Gërshetat janë një alternativë e këndshme, por problemi është që nëse fijet tuaja të flokëve tërhiqen vazhdimisht mind të shkaktojnë alopecia, e cila nga ana tjetër shkakton humbje të flokëve si dhe zvogëlon shanset për rritjen e tyre.
Flokët e drejtuar
Nëse i drejtoni flokët tuaj përditë , ka shumë të ngjarë të ndikoni tek cilësia e tyre. Përdorimi i pjastrës vazhdimisht dobëson fijen e flokut, duke bërë që të këputet.
Zgjatimi i flokëve
Përdorimi i extentions japin një pamje të këndshme, por mund të shkaktojnë rënien e flokëve tuaj natyralë. Prandaj, në vend të tyre zgjidhni extentions me kapëse.
Mbajtja e syzeve në majë të kokës
Ky zakon është bërë i zakonshëm për shumicën prej nesh. Edhe pse mund të mendoni se mund të jetë një zakon i padëmshëm, mbajtja e syzeve në këtë mënyrë shkakton këputjen e flokëve për shkak të ngatërrimit.
