Larja e shpeshtë dëmton flokët? Flasin ekspertët

Life style

Larja e shpeshtë dëmton flokët? Flasin ekspertët

Më: 5 mars 2021 Në ora: 16:42
Foto ilustrim

Për larjen e flokëve ekzistojnë mite të shumta, si për shembull larja e shpeshtë e tyre është e dëmshme dhe se përdorimi i tepërt i shampos mund t’’i dëmtojë. Ndërkohë eksperti Paolo Gigli ka shpjeguar për “Fanpage.it” se flokët duhet të lahen kur ndjeni nevojën për t’i larë dhe se një apo më shumë larje nuk shkakton dëme.

Çfarë ndodh nëse i lajmë flokët më pak?  Përtej anës estetike, ekziston dhe një çështje tjetër që nuk duhet të nënvlerësohet. “Njerëzit vuajnë nga një tepricë e prodhimit të sebumit ose dermatitit seborrheic nëse këto akumulime lihen në lëkurë për një kohë të gjatë apo rrezikojnë të shkaktojnë disa probleme, si kruajtje dhe inflamacion.“, shpjegon Gigli.

Çfarë ndodh nëse i lajmë shumë shpesh? Larja e flokëve shumë shpesh nuk shkakton ndonjë rrezik për shëndetin dhe bukurinë e tyre. Sa më shpesh t’i lajmë, aq më pak do të bien. Megjithatë, ata që i lajnë flokët shumë shpesh, duhet të jenë të kujdesshëm ndaj produkteve që përdorin. “Duhet të jeni të kujdesshëm dhe të shmangni produktet shumë agresivë. Ka dhe faktorë të tjerë si trajtimet kimike, përdorimi i pjastrave dhe tharësve të flokëve në temperatura shumë të nxehta.”, thotë ai.

Larja e flokëve varet dhe nga zakonet e përditshme siç është ambienti i punës. Nga ana tjetër, ata që vuajnë nga flokët e brishtë duhet të tregohen të kujdesshëm tek përzgjedhja e produkteve. “Në disa raste është e nevojshme t’i drejtoheni suplementeve sepse shampoja dhe zbutësi mund të mos jetë të mjaftueshëm. Ata që vuajnë nga sebumi i tepërt duhet të përdorim shampo që rregullojnë sebumin.“, shtoi eksperti.

Shfaq komentet
comments powered by Disqus
Sot mund të lexoni Shfletoni kopertinat