Çfarë janë ëndrrat e kthjellta?
Ëndrrat e kthjellta (lucid dreams) janë ato ëndrra kur jeni të vetëdijshëm që po ëndërroni. Ju mund të jeni në gjendje të njihni mendimet dhe emocionet kur ëndrra po ndodh. Ndonjëherë, mund të kontrolloni ëndrrën duke ndryshuar njerëzit, mjedisin ose historinë. Këto lloje ëndrrash potencialisht mund të zvogëlojnë makthet dhe ankthin.
Kur ndodhin?
Ëndërrimi i kthjellët, si shumica e ëndrrave, ndodh zakonisht gjatë fazës së gjumit REM, ku truri është jashtëzakonisht aktiv. Në një ëndërr të kthjellët, ju e dini që po ëndërroni dhe jeni të vetëdijshëm për çfarë po përjetoni.
Rreth 55% e njerëzve kanë përjetuar një ose më shumë ëndrra të kthjellta gjatë jetës së tyre. Sidoqoftë, ëndërrimi i shpeshtë i kthjellët është i rrallë. Vetëm 23% e njerëzve kanë ëndrra të kthjellta të paktën një herë në muaj.
Si të përjetoni ëndrra të kthjellta
1 - Gjumi REM: duke fjetur mjaftueshëm, kini zakone të shëndetshme të gjumit, shmangni alkoolin dhe kafeinën para gjumit, ushtrohuni çdo ditë, krijoni një ambient relaksues gjumi etj.
2 - Mbani një ditar ëndrrash: shkrimi i ëndrrave tuaja ju detyron t’i kujtoni ato. Kjo mendohet se ndihmon trurin të bëhet më i vetëdijshëm për ëndërrimin.
Përfitimet e këtyre ëndrrave
1. Pakësojnë makthet.
2. Reduktojnë ankthin.
3. Rrisin aftësitë motorike.
4. Rrisin kreativitetin.
Tregohuni të kujdesshëm nëse keni një çrregullim mendor. Përpjekja për një ëndërr të kthjellët paraqet disa rreziqe, përfshirë ndërprerjet e gjumit dhe shkëputjen nga realiteti. Flisni me një terapist ose specialist të gjumit para se të përpiqeni të përjetoni një ëndërr të kthjellët.
