Njerëzit e fortë mendërisht nuk përpiqen të kënaqin të gjithë, as të arrijnë gjithçka
Psikoterapistja dhe trajnere e shëndetit mendor, Amy Morin, beson se mendërisht të gjithë njerëzit e fortë kanë karakteristika të përbashkëta.
Me këtë, ajo nënkupton mënyrën se si ata shpenzojnë dhe ku ata investojnë energjinë e tyre: “Energjia e tyre është e përqendruar në qëllimin dhe nuk e shpenzojnë atë, por dhe kohën, në gjëra që nuk janë të rëndësishme ose në të cilat ata nuk kanë ndikim”, shpjegon Amy.
Ajo thekson se është e rëndësishme të jemi të vetëdijshëm për atë që nuk po bëjmë mirë: “Sa më të vetëdijshëm të jeni për zakonet tuaja jo të shëndetshme, aq më të mëdha janë shanset për t’i kapërcyer ato”.
Ata nuk i analizojnë situatat
Ata janë të vetëdijshëm se rreziqet që marrin dhe zgjedhjet që bëjnë nuk do të jenë gjithmonë të përsosura, por ata kanë besim në rezultatin.
Një person i fortë mendërisht nuk do të habitet nga analiza e pafund e veprimeve, si ato personale, ashtu edhe të njerëzve përreth tij.
Njerëzve të fortë nuk u intereson vërtet çfarë mendojnë të tjerët
Shqetësimi për mendimet e të tjerëve dhe frika nga dënimi i tyre mund të ndikojnë në çdo aspekt të jetës tuaj. Nga mënyra e veshjes deri tek mënyra e rritjes së fëmijëve tuaj…
Mos e fajësoni veten
Njerëzit e fortë mendërisht marrin përgjegjësi për veprimet e tyre dhe nuk “bien” në rrethin vicioz të vetëfajësimit. Kur atyre u ndodh të bëjnë gabime ose të gjenden në situata të caktuara në të cilat ata nuk duan të jenë, përpiqen të mësojnë nga ai shembull dhe vazhdojnë tutje.
