Shkenca e zbulon se pse gratë plaken më shpejtë se burrat

Life style

Shkenca e zbulon se pse gratë plaken më shpejtë se burrat

Më: 16 qershor 2021 Në ora: 16:30
Foto ilustrim

Gratë që kanë lindur plaken më shpejt.

Nuk është sekret që gratë jetojnë më gjatë se burrat. Ky duket si një lajm i mirë për zonjat, megjithatë ekziston një gjë që ato nuk e prisnin. Rezulton se gratë plaken më shpejt se burrat.

Dhe nuk është për t’u habitur, zonjat kanë shumë arsye për këtë duke nisur që nga shtatzënia deri te menopauza dhe lista nuk mbaron këtu.

“Bright Side” liston disa nga arsyet pse burrat arrijnë të qëndrojnë më të rinj për më gjatë.

Gratë vuajnë nga stresi më shumë se burrat.

Gratë janë më të prirura për probleme mendore, veçanërisht nëse ato kanë të bëjnë me punën, sipas Dr. Judith Mohring. Përveç kësaj, ndryshimi hormonal është ai që i shpjegon të gjitha. Luhatjet e hormoneve shoqërohen me depresion. Për më tepër, Çrregullimi Afektiv Sezonal prek gratë më shumë sesa burrat. Stresi i vazhdueshëm çon në mënyrë të pashmangshme në plakjen e hershme.

Gratë që kanë lindur plaken më shpejt.

Një studim i kryer në Universitetin George Mason vërtetoi se shtatzënia ju bën të dukeni 11 vjet më të vjetër. Gratë që kanë lindur kanë kromozome më të shkurtër se ato që nuk kanë pasur kurrë një fëmijë. Sa më i shkurtër të jenë kromozomet, aq më të vjetër dukeni. Përveç kësaj, stresi gjatë shtatzënisë gjithashtu përshpejton procesin e plakjes.

Lëkura e mashkullit është më e trashë.

Sipas dermatologëve, lëkura e mashkullit është 25% më e trashë se lëkura e femrës. Përqindja mund të ndryshojë nga personi në person, por shifra e përgjithshme mbetet e njëjtë. Sidoqoftë, edhe pse ka më pak rrudha në fytyrat e meshkujve, ato që janë, janë më të thella se ato të femrave.

Nivelet e testosteronit janë të ndryshme.

Estrogjeni është përgjegjës për një fytyrë rinore femërore ndërsa testosteroni është tipik tek burrat. Nivelet e larta të testosteronit ngadalësojnë plakjen. Edhe pse estrogjeni shërben gjithashtu si një hormon anti-plakje, prodhimi i tij bie më shpejt se ai i testosteronit. Kjo është arsyeja pse gratë janë të parat tek të cilat shfaqen rrudha.

Menopauza bën të vetën.

Humbja e hormoneve gjatë menopauzës përshpejton procesin e plakjes. Kur gratë kalojnë menopauzën, trupat e tyre pushojnë së prodhuari aq shumë kolagjen sa më parë. Kjo shkakton humbjen e elasticitetit të lëkurës. 

Shfaq komentet
comments powered by Disqus
Sot mund të lexoni Shfletoni kopertinat