Komunikimi dhe sinqeriteti në një marrëdhenie janë thelbësore, por a duhet t'ja thoni të gjitha partnerit? Sipas ekspertëve, jo. Secili prej nesh ka mendime që duhet të ekzistojnë vetëm në hapësirën tonë private dhe po flasim për gjëra që janë të panevojshme për t'u ndarë me personin tjetër. Do t'i bënit thjesht keq atij, vetes dhe raportit në çift.
1. Gjërat e vogla që mund të mos ju pëlqejnë për momentin.
Jemi njerëz bëjmë gabime. Kështu që ndonjëherë mund të bëni sikur nuk e patë atë veprimin e partnerit që ju acaroi. Sigurisht, kur flasim për një marrëdhënie të shëndetshme dhe solide.
2. Nëse partneri yt ka ende ndjesi për ish-in ose jo.
Ndjesitë e komplikuara për ish-partnerët janë shumë normale, por a është një pyetje që duhet t'ja bësh ti? Jo! Eshtë më mirë që mendime të tilla t'i ndash me veten dhe të mos e bësh ish-in prezente në dhomën tuaj.
3. Si ndihesh ti për familjen e tij
Në rast se familja e tij s'është duke krijuar situata toksike, bën mirë të matesh para se të flasësh. S'ka asnjë nevojë t'i thuash çfarë nuk të pëlqen ty tek nëna e tij. Tregohu më empatike dhe futu brenda botës së tij.
4. Që shoku/shoqja e tij/saj të duket tërheqëse
Nuk ka asgjë të kesh simpati ndaj dikujt, por t'ja thuash partnerit këtë do të thotë ta lëndosh, ta bësh xhelozë dhe të pasigurtë.
5. Që herë pas here ke dyshime për lidhjen tuaj
Fjalët rëndojnë më shumë se plumbi prandaj mendohuni mirë para se t'i nxirrni. Dyshimet rreth lidhjes tregojini hapur vetëm nëse jeni shumë të sigurtë për çfarë vjen më pas. Fjalë në ajër që lëndojnë dhe prishin ekuilibrat mbajini për vete derisa të arrini në një përfundim.
6. Çfarë mendon ti për objektivat e tyre
Kujto që duhet ta respektosh dhe mbështesësh, të pëlqejnë ose jo qëllimet e tij. Këshillat janë një dhe imponimi diçka tjetër.
7. Mendimin që ka familja jote për të
Në një botë ideale si prindërit e tu ashtu dhe të tij do të ishin në një linjë dhe do t'ju shihnin si partneri perfekt për fëmijën e tyre. Nuk ndodh gjithmonë kështu, por sa e nevojshme është t'i tregosh atij çfarë nënës tënde nuk i pëlqen? Një koment fyes do t'i mbetej në mendje gjatë dhe do të krijonte dinamika të pakëndshme në vazhdimësi.
8. Gjëra që të mungojnë nga lidhja e vjetër
Eshtë haptazi një krahasim dhe krahasimet në këtë rast nuk të ndihmojnë fare.
9. Detaje nga historitë e shkuara romantike
S'është nevoja të ndash me partnerin aktual gjëra që të mungojnë prej tij/saj. Mendohuni para se të lëndoni njeriun që keni përballë.
