Si nis dhjetori? Horoskopi i Paolo Fox

Life style

Si nis dhjetori? Horoskopi i Paolo Fox

Më: 30 nëntor 2021 Në ora: 23:00
Paolo Fox

Ky është horoskopi i Paolo Fox për ditën e mërkurë 1 dhjetor 2021. Hëna do të kalojë në qiellin e Akrepit: një lajm i mirë për shenjat e ujit! Afërdita do të jetë ende në Bricjap dhe do të mbajë surpriza në dashuri për shenjat e tokës. 

Dashi

Sipas horoskopit të Paolo Fox, e mërkura premton të jetë një ditë fuqie, sidomos nga pasditja e në vazhdim. Që tani e tutje, ju mund të arrini sërish sukses për sa kohë që ndaloni së dëgjuari këshillat e dikujt. Duhet të qëndroni larg atyre që ju kanë zili apo atyre që hapin gojën për t’u ndjerë më mirë se të tjerët. Në muajt e ardhshëm, organizimi nuk duhet të jetë problem për ju! E vetmja pikëpyetje mbetet dashuria.

Demi

Do të jetë një ditë e vlefshme deri në drekë. Pasditja duket më e qetë. Ju mund të dëshironi të kujdeseni për punët më interesante ose sfiduese gjatë orëve të para të së mërkurës. Gjithashtu sepse me Marsin në opozitë nuk përjashtohen debate të mundshme të nxehta apo momente konfuzioni. Kujdes nga marrëdhëniet me Akrepin! Për ditë të tëra jeni përpjekur të kuptoni nëse do të qëndroni në një vend dhe, nëse po, me çfarë kushtesh.

Binjakët

Mund të përballeni me disa komplikime në dashuri ose ndoshta do të keni thjesht shumë lodhje. Fatkeqësisht, Dielli dhe Mërkuri do të jenë në aspekt të kundërt. Kalimi i tyre në Shigjetar mund t’ju japë përshtypjen se nuk po ndiqni idetë e duhura ose do t’ju bëjnë më apatikë dhe të pamotivuar. Disave u mungojnë stimujt për të ecur përpara me më shumë shkujdesje dhe entuziazëm. Do të jetë vetëm një moment kalimtar! Kujdes në dashuri.

Gaforrja

Siç tregon horoskopi i Paolo Fox, do t’ju duhet durim i veçantë, sepse nuk do t’ju presë një ditë e thjeshtë! Situata konfliktuale që po përjetoni prej ditësh do të përsëritet edhe në orët në vijim. Do të ketë nga ata që do të duhet të mbrohen nga disa akuza, ata që largohen nga një kontekst, ata që ende mbajnë qëndrim. Ndoshta po bëni diçka që nuk do të mund ta përsërisni në vitin 2022. Disa aspekte të punës do të duhet të ndryshojnë: përgatituni të përballeni me lajme të rëndësishme deri në pranverën e ardhshme.

Luani

Do të duhet të përballeni me një Hënë disonante. Në mbrëmje mund të ndesheni me dikë që do të përpiqet t’ju provokojë në çdo mënyrë ose do të shfaqet një damar i vogël melankolie, një siklet i lehtë. Jini të kujdesshëm! Sidoqoftë, do të jeni në gjendje të gjeni një mënyrë për të mos u dekurajuar, për të larguar pesimizmin dhe për të përdorur forcën tuaj të madhe për të kapërcyer sfidat tuaja. Përqendroni ngjarjet e rëndësishme mes të premtes dhe të shtunës, sepse do të jenë ditë më të mira. Ndërkohë, qëndroni larg telasheve.

Virgjëresha

Dy ditë fitimtare pritet të jenë e mërkura dhe e enjtja. Më mirë do të ishte ta përfitonit, të realizoni projekte të rëndësishme, të përballeni me një sqarim në familje. Nga e premtja, për fat të keq, mund të rikthehet pak konfuzion. Nëse mendoni se nuk i keni të gjitha konfirmimet e nevojshme për të ecur përpara në mënyrën më të mirë, kërkojini ato në këto orë! Për fat të mirë, në dashuri do të jeni ende ndër shenjat më të forta të momentit.

Peshorja

Sipas parashikimeve të Paolo Fox-it, e mërkura do të jetë një nga ato ditë kur mund të ndiheni të vetmuar përballë botës, edhe nëse ka shumë njerëz rreth jush. Tani do të jetë thelbësore të mos lini të sigurtën për të pasigurtën në dashuri. Mos rrezikoni të lini një marrëdhënie të sigurt për të kërkuar emocione të reja dhe më transgresive. Në këtë periudhë në dashuri, mbizotëron konfuzioni: jini shumë të kujdesshëm.

Akrepi

Dëshira për t’u rikuperuar në dashuri do të rritet. Akrepat që së fundmi kanë jetuar në një marrëdhënie konfliktuale do të jenë më të mençur dhe më të kujdesshëm tani e tutje. Në fund të fundit, një mosbesim i thellë, frika se mos lëndoheni apo talleni janë pjesë e shenjës suaj. Për të dashuruar me të vërtetë, duhet ta ndjeni tjetrin në anën tuaj, të sinqertë dhe solidar me ju. Mos lini pas dore projektet e reja, sepse keni yje shumë domethënës këto ditë.

Shigjetari

Duhet të filloni të pastroni mendjen për të premten dhe të shtunën e ardhshme, sepse duken shumë interesante. Pse nuk bëni plane të këndshme për këto dy ditë? Ata që gjenden në mes të një çështjeje ligjore duhet të përpiqen ta zgjidhin atë deri në fund të vitit. Muajt ​​e parë të vitit 2022 do të jenë pak më të komplikuar dhe të lodhshëm. Në dashuri duhet të shmangni zgjedhjet e rrezikshme, të qëndroni larg situatave konfuze, të paqarta!

Bricjapi

Ashtu siç e parashikon horoskopi i Paolo Fox-it, e mërkura do të jetë një ditë me fuqi të madhe, në një javë që do t’ju shohë mes protagonistëve të momentit. Afërdita në shenjë po ju ofron jo vetëm mbrojtje në dashuri, por edhe qartësi mendore, një aftësi të lakmueshme projektimi, dëshirë për të hedhur veten në diçka të re. Shumë Bricjapë do të ndiejnë dëshirën për t’u angazhuar në projekte të reja, pa pritur më! Kushdo që është gati të gjejë shpirtin e vet binjak, mund të kënaqet shumë shpejt!

Ujori

Do të keni energjinë e një Hëne të favorshme. Nëse ka ndonjë mosmarrëveshje në dashuri, duhet të përpiqeni t’i zgjidhni ato në orët në vijim. Gjatë ditës do të jetë e lehtë të sulmoheni nga disa mëdyshje të tjera. Fakti është se gjithmonë duhet të ndiheni ndryshe nga të tjerët, jokonvencionalë, ndërkohë që shoqëria imponon një standardizim të caktuar. Nuk do të jetë aspak e lehtë tani, por ju keni gjithmonë shumë guxim për të jetuar jetën tuaj!

Peshqit

Do të fillojë një fazë e re e jetës suaj ku edhe ju mund të jeni ndryshe, të ndryshoni plotësisht personalitet! Ata që kanë vuajtur muajt e fundit do të fitojnë shumë më tepër forcë tani e tutje. Nëse ka ndonjë kërkesë apo propozim të rëndësishëm në lojë, përgjigjet do të vijnë brenda muajit shkurt. Afërdita e favorshme do të japë një dorë edhe në dashuri. Periudhë e shkëlqyer për ata që duan të bëjnë plane në çift, por edhe për ata që do të jenë gati të rikthehen në lojë.

commentFirst article
Sot mund të lexoni Shfletoni kopertinat