Si ta kurseni kohën tuaj?

Life style

Si ta kurseni kohën tuaj?

Më: 5 dhjetor 2021 Në ora: 19:19
Foto ilustrim

Kjo është një mënyrë e thjeshtë për të shpëtuar disa orë nga koha juaj çdo javë, duke investuar një total prej rreth pesë minuta.

Gjëja e parë që duhet të bëni në mëngjes është të merrni një copë letër dhe shkruani në një kolonë numrat që përfaqësojnë çdo orë nga koha, që kur ju zgjoheni, derisa shkoni për të fjetur. Për mua, lista do të fillojë 6, 7, 8, 9, 10, 11, 12, 1 dhe do të përfundojë në 12. (Deri tani, ju keni investuar rreth pesëmbëdhjetë sekonda.)

Për këtë ditë të vetme, në krye të çdo orë ndaloni për 20 sekonda përpiquni të kujtoni se sa i lumtur jeni me mënyrën si ju keni shpenzuar kohën tuaj. A e shpenzoni atë me mençuri? Nëse përgjigja është po, mos shkruani asgjë.

Por në qoftë se ju nuk do ta përsërisnit mënyrën si ju e kaluat orën e fundit, pranë numrit që përfaqëson orën, shkruani disa fjalë që përshkruajnë se çfarë keni bërë. Në një nga listat e mia, për shembull, në 03:00 kam shkruar “e pakuptimtë të bisedosh me Gimin, ai nuk dëgjon”, kjo do të thotë se takimi me të ishte një humbje e kohës time.

Vazhdoni me këtë ushtrim gjatë gjithë ditës, nuk ju merr shumë kohë, kërkon vetëm pak disiplinë për tu ndalur tek çdo orë për disa sekonda. Por në fund të ditës, ju do të keni një listë të veprimtarive që ju dëshironi ti shmangni. Nëse lista ka më shumë se një ose dy elementë, ju mund të vazhdoni të praktikoni këtë ushtrim për një kohë të gjatë.

Dalëngadalë do t’ju kthehet në zakon, dhe kështu juve do ta keni më të thjeshtë që të dalloni mënyrat sesi po shpërdoroni kohën tuaj, dhe sesi ti mënjanoni ato.

Kurseni kohë për këdo

Ju mund ta ndani këtë metodë edhe me njerëz të tjerë. Inkurajojini të tjerët, jo vetëm që të mbajnë shënim kohën që shpërdorojnë, por gjithashtu edhe zgjidhjet e mundshme që mund ti përdorin për të përdorur kohën me mençuri.

Për shembull, në fund të një takimi të gjatë, ju mund të kuptoni se strategjia juaj fillestare, sipas të cilës ju vetëm urdhëronit të tjerët, nuk funksionon. Në vend të saj, ju mund ti dëgjoni njerëzit përreth jush, dhe të kuptoni se, nëse ju dëgjoni ata, ata do t’ju dëgjojnë juve.

commentFirst article
Sot mund të lexoni Shfletoni kopertinat