Edhe pse keni shumë kohë me partnerin dhe keni krijuar një lidhje të fortë në të gjitha dimensionet, ka diçka që nuk shkon, sidomos nëse vazhdoni të bëni të njëjtat gabime poshtë çarçafëve.
1.Mos u depiloni: Keni një orë kohë para se partneri të kthehet në shtëpi dhe gjëja e parë që doni të bëni është depilimi? Bëni mirë ta harroni si ide dhe të mos e vini kurrë në praktikë pasi është vendimi më i keq që mund të merrni. Depilimi para seksit mund të bëhet shkak për shfaqjen e ndonjë infeksioni të lëkurës si Herpesi dhe HPV, si dhe do të ndjeni vazhdimisht irritim të lëkurës gjatë aktit.
2.Nuk duhet të hani ushqime pikante: Nëse në një moment e çuat ndërmend të hanit atë byrekun pikant që gatuat për drekë, duhet të merrni përsipër edhe rrezikun që ushqimet pikante ndryshojnë aromën karakteristike të vaginës suaj. Ato shkaktojnë gjithashtu fryrje të barkut dhe gazra, të cilat nuk janë aspak të këndshme gjatë aktit seksual.
3.Mos pini alkool: Një gotë verë mund ta bëjë mbrëmjen më interesante, por nuk është aspak ide e mirë sidomos për meshkujt. Sipas të dhënave të një studimi të fundit, meshkujt që pinë alkool kanë vështirësi gjatë ejakulimit dhe orgazmës.
