Gjërat e çmendura që bëjnë burrat kur duan të ndahen

Life style

Gjërat e çmendura që bëjnë burrat kur duan të ndahen

Më: 19 janar 2022 Në ora: 09:45
Ilustrim

Të biesh në dashuri është pjesa më e lehtë. Por kur gjërat ndërlikohen dhe të duhet të jesh i sinqertë, burrat në këtë rast përdorin mënyra marramendëse për të të njoftuar se duan të largohen nga ju.

Nëse keni filluar tashmë të pyesni veten se çfarë ka ndodhur papritmas me të dashurin tuaj, jeni në vendin e duhur. Ka burra që fillojnë të sillen si të pafytyrë kur duan të ndahen, por nuk kanë këllqe për ta bërë. Mendjet e tyre janë të vendosura ta prishin lidhjen, e për këtë fillojnë të sillen si të huaj, distancohen në mënyrë që të jeni ju ajo që do të ndërmerrni hapin e ndarjes. Ata janë frikacakë dhe, në vend që të përballen në një mënyrë të sinqertë me ju për ndjenjat që provojnë, do të përdorin këto 8 gjëra të krisura për t’ju bërë me dije se nuk është më i dashuri yt.

Ju bën fajtore për tensionet në marrëdhënien tuaj

Gjërat janë përkeqësuar dhe është e qartë se kush është fajtori. Por jo, zotërushi nuk është i aftë ta mbajë fajin për veprimet e tij e tërbuara, kështu që e drejton gishtin nga ju. Është ai që është distancuar plotësisht nga ju, dhe ka filluar t’ju akuzojë se po i bëni të njëjtën gjë. Ishte ai që papritmas u bë misterioz dhe i pakuptueshëm, që këmbënguli se ishit ju që i fshiheshit. Çfarëdo që të bëjë, ai përpiqet t’jua vërë juve mbi kurriz fajin. Ai nuk ka këllqe që të paktën të jetë i sinqertë dhe i vërtetë me ju, kështu që tregon veten në nivelit e ulët që ka rënë.

Ju quan të çmendur kur e denonconi për sjelljen e tij

Është mënyra më e lehtë për të dalë nga lidhja. Në vend që të pranojë rolin e tij në këtë shfaqje të pamerituar, ju quan të çmendur, sepse i sugjeroni se po bën diçka të gabuar. Kur burrat nuk duan të qëndrojnë në një lidhje, është gjëja më e lehtë për të bërë. Fyerja dhe mospërfillja e fjalëve tuaja, është mënyra e tij për t’ju thënë që ta shkarkoni nga detyrat e të dashurit. Këmba e tij është tashmë gjysmë nga dera, prandaj bëhu e mirë me të dhe thuaji lamtumirë. Ju nuk keni nevojë gjithsesi për një djalë të papjekur!

Fillon të qajë sepse nuk pajtohet me diçka

E vërteta është se burrave u pëlqen të jenë të sjellshëm dhe të butë me zonjat e tyre. Ata duan t’i bëjnë ato të ndjehen të përkëdhelura dhe të veçanta. Dhe me të drejtë! Por kur një burrë nuk e ka problem të ankohet dhe të qajë përpara të dashurës së tij, kjo do të thotë qartazi se nuk po përpiqet ta bindë. Po, është vërtet e trishtueshme dhe aspak e këndshme (sepse meritoni dikë që do t’ju trajtojë si mbretëreshë), por është gjithashtu një bekim i fshehur. Në thelb, ai nuk kujdeset më aq sa të veprojë me mirësi dhe butësi ndaj jush, në mënyrë që ju ta dëboni dhe të përqendroheni në atë që ka vërtet rëndësi.

Bën plane me miqtë e tij, pa ju thënë

Ai del sa të dojë dhe ku të dojë, pavarësisht nëse ju vë në dijeni apo jo. Nuk ju tregon për planet që ka dhe nuk ju dërgonmesazhe kur është jashtë. Thjesht bën gjënë e tij, dhe ju nuk jeni më e sigurt se çfarë po ndodh. Për ju, ai është ende i dashuri juaj, por për të, ky nuk është më rasti. Ai dëshiron të tërhiqet nga marrëdhënia dhe kjo është arsyeja pse vepron sikur të jetë beqar. Kjo është ajo që ai aspiron të bëhet dhe kjo është arsyeja pse ai nuk ju informon më për projektet e tij. Në kokën e tij, ti nuk je më e dashura.

Ju premton diçka dhe nuk e mban premtimin

Bëhet një zhgënjim i madh. Bën plane që ju entuziazmojnë dhe anulohen në minutën e fundit. Asnjë shpjegim, asnjë arsye e vërtetë, thjesht, është anuluar. Ju premton se do të kujdeset të marrë teshat tuaja nga lavanderia ose ushqim për të ngrënë, dhe nuk e bën. Fjalët e tij nuk do të thonë më asgjë dhe ai as që dëshiron të të japë shpjegim për veten. Në kokën e tij, nuk do të jeni më e dashura e tij për një kohë të gjatë, dhe për këtë arsye nuk është më e dobishme të jesh e dashur e mirë për të. Ai nuk bën më përpjekje dhe kjo duket me të vërtetë.

Mbyll të gjitha bisedat për të ardhmen

Nëse mendoni të flisni për martesën dhe fëmijët, ai e mbyll bisedën. Mendon se martesa ta shpif dhe nuk është aspak i qartë se çfarë dëshiron në të ardhmen e tij. Nuk pranon të thotë asgjë në lidhje me martesën dhe ju mund të kuptoni se vetëm ideja për të folur në lidhje me këtë e shqetëson. Papritmas, djali me të cilin u dashuruat nuk është më shumë se një hije e tij. Ky djalë thjesht po përpiqet të gjejë një mënyrë për t’u larguar nga bashkëjetesa dhe nuk i intereson se sa shëmtuar e bën atë.

Flirton hapur me vajzat e tjera në publik

Ai as nuk përpiqet ta fshehë apo ta mohojë këtë. U buzëqesh të gjitha vajzave seksi që kalojnë para tij dhe u flet në të njëjtën kohë. Sigurisht, ai mund ta mohojë dhe të pretendojë se është miqësor, por ju e dini që është një gënjeshtër. Përpiqet t’ju bëjë ta shihni se sa i keq është një i dashur, në mënyrë që të ndaheni prej tij. Do të donte që ju të mos e pëlqeni, dhe të pyesni veten se çfarë keni parë tek ai.

Vonohet për t’iu përgjigjur mesazheve dhe nuk ju telefonon

Në këtë pikë, është e qartë se çfarë do të thotë. Një burrë që ju dashuron, që dëshiron të jetë me ju dhe ju vlerëson, i përgjigjet mesazheve tuaja. Gjithashtu, ju telefonon dhe sigurohet t’ju dërgojë mesazhe gjatë ditës. Por ky njeri që po flasim është bërë një fantazmë. Mund ta ndjeni që nuk ju shkruan, humbet telefonatën tuaj…

E kuptoni çdo ditë e më shumë, por nuk doni ta pranoni. E dashur, kjo nuk është gjë tjetër veçse humbje kohe. Lërë këtë individ të papjekur t’i përshtatet nivelit që i takon, dhe shko të gjesh një djalë që do të të respektojë aq sa të të tregojë se si ndihesh përballë tij. Askush nuk mund të garantojë se do të jetë perfekt, por nuk mund të jetë më i ulët se kaq.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat