Gabimet që bëjnë rëndomë menaxherët

Life style

Gabimet që bëjnë rëndomë menaxherët

Më: 6 shkurt 2022 Në ora: 00:00
Foto ilustrim

Është vërtet e pabesueshme sa shpesh dëgjoni menaxherët që ankohen për punonjësit më të mirë që largohen, dhe ata kanë vërtet diçka për t’u ankuar, pak gjëra janë po aq të kushtueshme aq sa kur njerëzit më të mirë largohen nga biznesi yt.

Menaxherët tentojnë të fajësojnë për problemet e normave të larta të qarkullimit të punonjësve gjithçka të mundshme, duke injoruar problemin kryesor: njerëzit nuk lënë punën, ata lënë menaxherin.

Gjëja e trishtueshme është se kjo mund të shmanget lehtësisht. Gjithçka që kërkohet është një perspektivë e re dhe pak më shumë përpjekje nga ana e menaxherëve.

Pikësëpari, na duhet të kuptojmë gjërat që bëjnë menaxherët që i bëjnë punonjësit e mirë të largohen.

1. Ata i mbingarkojnë punonjësit

Asgjë më shumë se mbingarkesa nuk i konsumon punonjësit e mirë. Është kaq tunduese t’i shfrytëzosh njerëzit më të mirë sa menaxherët në mënyrë të vazhdueshme bien në këtë grackë. Kjo i huton ata; kjo i bën të duken sikur po “ndëshkohen” për performancën e mirë.

T’i mbingarkosh punonjësit është edhe kundërproduktive. Kërkimi i ri nga Universiteti i Stanford tregon se produktiviteti për orë ulet ndjeshëm kur java e punës i tejkalon 50 orët, dhe produktiviteti bie kaq shumë pas 55 orëve saqë nuk mëson më dot nga puna.

Nëse doni që punonjësit më të talentuar të bëjnë më shumë, duhet t’u rrisni statusin gjithashtu. Punonjësit e talentuar do ta bëjnë punën shtesë, por ata nuk do të qëndrojnë nëse puna e tyre i mbyt gjatë këtij procesi. Rritjet në detyrë, promovimet, dhe ndryshimet e vogla janë të gjitha mënyra të pranueshme për të justifikuar rritjen e ngarkesës. Nëse rrisni punën vetëm sepse punonjësit janë të talentuar, pa ndryshuar asgjë, ata do të kërkojnë një punë tjetër që do t’u japë atë që meritojnë.

2. Ata nuk i njohin kontributet dhe nuk e shpërblejnë punën e mirë

Është e thjeshtë të nënvlerësohet fuqia e një përkëdhelje në kurriz, veçanërisht me performuesit më të mirë që në thelb janë të motivuar. Menaxherët duhet të komunikojnë më njerëzit e tyre për të gjetur se çfarë i bën ata të ndihen mirë (për disa, është rritje në detyrë; për disa të tjerë, është njohja publike) dhe më pas për t’i shpërblyer për punën e mirë.

3. Ata nuk duan t’ia dinë për punonjësit e tyre

Më shumë se gjysma e njerëzve që lënë punën e tyre, e bëjnë për shkak të marrëdhënieve me shefin e tyre. Kompanitë e zgjuara sigurohen që menaxherët të dinë të balancojnë të qënit profesionistë me të qenit njerëzorë.

Këto janë shefat që “e shijojnë” suksesin e punonjësit, bashkohen me ata që kalojnë periudha të vështira dhe i sfidojnë njerëzit. Shefat që dështojnë të kujdesen seriozisht për punonjësit e tyre do të kenë gjithmonë norma të larta të qarkullimit të punonjësve të tyre. Është e pamundur të punosh për dikë 8 orë e më tepër kur ata nuk janë të përfshirë në nivel personal dhe nuk e vrasin mendjen për asgjë tjetër veçse normës së prodhimit.

4. Ata nuk i respektojnë angazhimet e tyre

Të bësh premtime ju vendos në pozicionin midis të bërit të lumtur punonjësit ose t’i shikoni ata të largohen. Kur mbani fjalën e dhnë për një angazhim, ju rriteni në sytë e punonjësve sepse provoni se jeni të besueshëm dhe të ndershëm (dy cilësi shumë të rëndësishme në një shef). Por kur nuk e respektoni angazhimin tuaj, bëni figurën e një personi të pkujdesshëm dhe pa respekt. Pas të gjithave, nëse një shef nuk nderon angazhimet e tij/saj, pse duhet ta bëjë dikush tjetër?

5. Ata punësojnë dhe ngrenë në detyrë njerëzit e gabuar

Njerëzit punëtorë duan të punojnë me profesionistë si vetja e tyre, kur menaxherët nuk bëjnë seleksionimin e njerëzve të duhur, është një faktor demotivues për ata që janë aktualisht në organizatë. Të ngresh në detyrë njerëzit e gabuar është akoma më keq. Kur juve “ju bie bretku” duke punuar për të marrë një ngritje në detyrë që i jepet dikujt që e gjen atë të “gatshëm”, është një ofendim masiv. Nuk ka asnjë habi që i bën më të mirët që të largohen.

6. Ata nuk i lënë njerëzit të ndjekin pasionet e tyre

Punonjësit e talentuar janë të apasionuar. T’u japësh mundësi atyre që të ndjekin pasionet e tyre u rrit produktivitetin dhe kënaqësinë nga puna. Por shumë menaxherë i duan njerëzit të punojnë brenda një “kutie të vogël.” Këta menaxherë kanë frikë se produktiviteti do të bjerë nëse i lejojnë punonjësit e tyre të zgjerojnë fokusin dhe ndjekin pasionet e tyre. Kjo frikë nuk ka bazë. Studimet tregojnë se njerëzit që janë të aftë të ndjekin pasionet e tyre në punë përjetojnë rrjedhje, një gjendje euforike e mendjes që është pesë herë më shumë produktive se normalja.

7. Ata dështojnë në zhvillimin e aftësive të njerëzve

Kur menaxherët pyeten për shpërqendrimet e punonjësve, ata mundohen të shfajësojnë veten, duke përdorur fjalë si “besimi,” “autonomia,” dhe “fuqizimi.” Kjo është tërësisht pa sens. Menaxherët e mirë menaxhojnë, pak rëndësi ka sa të talentuar janë punonjësit. Ata kushtojnë vëmendje dhe në mënyrë konstante dëgjojnë dhe japin feedback.

Menaxhimi mund të kenë një fillim, por me siguri që nuk ka një fund. Kur keni një punonjës të talentuar, është në dorën tuaj të gjeni fusha në të cilat ata mund të përmirësohen për të zgjeruar aftësitë e tyre. Punonjësit më të talentuar duan feedback, më shumë se ata më pak të talentuarit, dhe është puna juaj që ta bëni këtë. Nëse nuk e bëni, njerëzit e tu më të mirë do të mërziten dhe do të jenë të pakënaqur.

8. Ata dështojnë të angazhojnë kreativitetin e tyre

Punonjësit më të talentuar kërkojnë të përmirësojnë çdo gjë që ata shohin. Nëse ju u “merrni” atyre mundësinë për të ndryshuar dhe përmirësuar gjërat sepse ju jeni shumë komfort me status quo, kjo i bën ata që të urrejnë punën e tyre. Të mundoheni të “vendosni brenda në kafaz” këtë dëshirë të brendshme për të krijuar jo vetëm që i kufizon ata, ajo ju limiton edhe ju.

9. Ata dështojnë të sfidojnë intelektualisht njerëzit

Shefat e mëdhenj sfidojnë punonjësit e tyre për të arritur gjëra që u duken të pakonceptueshme atyre në fillim. Në vend që të vendosin qëllime mondane dhe në rritje, ata vendosin qëllime fisnike që i shtyjnë individët të provojnë jashtë zonës së tyre të komfortit. Më pas, menaxherët e mirë bëjnë çfarëdolloj gjëje që kanë në dorë për t’i ndihmuar ata të kenë sukses. Kur njerëzit e talentuar dhe inteligjentë e gjejnë veten duke bërë gjëra që janë shumë të thjeshta ose të mërzitshme, ata kërkojnë për një punë tjetër që padyshim do t’u sfidojë intelektin.

Si konkluzion, nëse doni që njerëzit më të mirë të rrinë në kompaninë tuaj, duhet të mendoni me kujdes se si t’i trajtoni ata. Ju duhet t’i bëni ata që të duan të qëndrojnë me ju.

Sot mund të lexoni Shfletoni kopertinat