Xheisara: Në jetën time nuk kam tradhtuar kurrë, por jam tradhtuar

Life style

Xheisara: Në jetën time nuk kam tradhtuar kurrë, por jam tradhtuar

Më: 14 shkurt 2022 Në ora: 00:29
Xheisara

Këngëtarja Xheisara ka rrëfyer për tradhtinë që i ka ndodhur në të kaluarën duke theksuar se është ndjesi e tmerrshme.

Ish-banorja e Big Brother VIP ka qenë e ftuar në rubrikën Trotuar në emisionin E diell të Top Channel, ku ka folur për festën e të dashuruarve.

Ajo zgjodhi të mos tregonte nëse është në një lidhje dashurie apo jo, ndërsa tregoi se është tradhtuar pas një historie që zgjati disa vite.

“Një Zot e di çfarë kam për t’i bërë burrit tim të ardhshëm. Do ta zhdëp në dru që më la vetëm gjithë këto vite. Unë çdo ditë e kam 14 shkurt”.

“Xheisara di të dashurojë dhe dashuron shumë fort, por vërtet stepem se nuk njoh kufi. Nuk jam as toksike, as posesive, thjesht jam njeri që dua shumë”.

“Në jetën time nuk kam tradhtuar kurrë, por jam tradhtuar. Është ndjesi e tmerrshme. Nga momenti që kam dyshuar, kam bërë hulumtimet e mia”.

“Nuk jam tip që pyes dhe nuk dua t’ia di se çfarë ke bërë më parë. Të jap besim dhe ta marr deri në pikën që nuk duket e besueshme. Nuk bëhem fort kollaj xheloze se them që ka fat që më ka mua, por në momentin që kam dyshuar se diçka po ndodhte, i kam bërë vetëm një paralajmërim, nëse kjo po ndodh, mos më dil para e vazhdoi”, ka rrëfyer ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat