Jeta ndryshon në mënyrë drastike pas një tradhëtie në çfarëdo lidhje që të keni. Personi që mashtrohet, kalon shumë dhimbje, lëndime dhe nuk mund t’i besojë më partnerit. Ai që mashtron nga ana tjetër ndjen faj të pamohueshëm brenda vetes, pavarësisht nga rrethanat. Një sondazh nga ETimes Lifestyle zbuloi në mënyrë interesante se 31% e njerëzve do ta falnin një partner që mashtronte. Le të deshifrojmë arsyet e mundshme që fshihen pas kësaj.
Një shans i dytë
Shumë njerëz besojnë se tjetrit i duhet dhënë një shans i dytë në jetë. Edhe nëse partneri i tyre përfundon duke i tradhtuar, ata nuk do ta linin të shkonte pa i dhënë një mundësi të dytë. Madje besojnë se nëse partneri do të kishte një shans tjetër do të mund të korrigjonte gabimin dhe të bëhej një njeri më i mirë nga sa ka qenë më parë.
Familja
Shumë njerëz besojnë gjithashtu që ta falin partnerin tradhtar sepse kanë familje dhe fëmijë për të rritur së bashku. Ai që mashtrohet, merr vendimin më të vështirë të jetës për të qëndruar me partnerin, edhe pas gabimit të tij katastrofik, vetëm që fëmijët të mos përballen me barrën e jetesës në një familje të divorcuar, me prindër të ndarë.
Kanë mundësi të marrin ndihmë profesionale
Shumë njerëz në mënyrë të pandërgjegjshme duan të falin partnerin e tyre që tradhton, por një ndjenjë e brendshme, konfliktuale brenda tyre i ndalon ta bëjnë këtë. Në këtë kohë, këshilltarët ose terapistët profesionistë të martesës ofrojnë një zgjidhje efektive që i ndihmon të rindërtojnë marrëdhënien.
Hakmarrja
Sipas sondazhit, rreth 30% e njerëzve ishin të gatshëm për t'iu përgjigjur partnerit të tyre “me të njëjtën monedhë” tradhtinë e tyre. Kjo mund të jetë një arsye tjetër pse shumë njerëz duan t'i japin partnerit të tyre një shans të dytë, në mënyrë që ata t'i lëndojnë në të njëjtën mënyrë. Ky emocion negativ i hakmarrjes nuk do t’ju çojë askund, pasi sjell vetëm lëndim dhe dhimbje.
Falja nuk është për të gjithë
69% e tjerë e njerëzve që votuan kundër faljes së partnerit të tyre, përfaqësojnë një pjesë tjetër të njerëzve që nuk mund ta falin partnerin për lëndimin e tyre. Të tradhtosh partnerin me dikë nuk është thjesht një gabim; shkatërron marrëdhënien dhe nuk i lë hapësirë personit të besojë sërish
