Kemi një Mërkur retrogradë para nesh – përgatituni për…

Life style

Kemi një Mërkur retrogradë para nesh – përgatituni për…

Më: 6 maj 2022 Në ora: 20:51
Foto ilustrim

Mërkuri hyn në fazën retrograde çdo tre deri në katër muaj dhe në periudhën në vijim do të ndodhë më 10 maj dhe do të zgjasë deri më 3 qershor. Gjatë kësaj kohe, Mërkuri do të jetë retrogradë tek Binjakët dhe Demi.

Ndërsa në shenjën e Binjakëve mund të prisni probleme komunikimi, zënka me kolegët dhe njerëzit e dashur. Ndërsa në shenjën e Demit, Mërkuri retrogradë do të ndikojë në gjërat materiale, të ardhurat dhe shpenzimet, por edhe imazhin që keni për veten, për sa i përket vetëbesimit.

Çfarë na pret gjatë Mërkurit retrograd?

Plane të prishura

Gjatë lëvizjes retrograde të Mërkurit, shumë plane do të anulohen, edhe në minutën e fundit. Mund të ndodhë lehtësisht që të humbisni një takim të rëndësishëm ose të organizoheni keq dhe orari nuk do t’ju ndihmojë shumë.

Probleme në komunikim

Mërkuri trajton komunikimin, kështu që kur është në lëvizje retrograde, ka një gjasë të lartë për keqkuptim, keqinterpretim të informacionit që keni marrë nga të tjerët, apo edhe për të thënë diçka që nuk e keni ndërmend. Prandaj, mendoni mirë përpara se të flisni dhe zgjidhni fjalët tuaja me mençuri!

Mos bëni projekte dhe kontrata të reja

Gjatë kësaj kohe, astrologët këshillojnë të mos lidhni kontrata, të merrni vendime të rëndësishme, ose të filloni projekte të reja. Ka shumë mundësi që të humbisni detaje të rëndësishme, do të jeni konfuzë dhe kjo do të kontribuojë në marrjen e një vendimi të keq për të cilin më vonë do të pendoheni. Mundohuni të shtyni çdo akord të rëndësishëm derisa lëvizja retrograde të përfundojë.

Krijoni një dosje rezervë

Meqenëse Mërkuri menaxhon informacionin tuaj, është më mirë të bëni kopje rezervë të të gjithë skedarëve tuaj në rast se telefoni ose kompjuteri juaj prishet.

A do të ndodhë ndonjë gjë e mirë gjatë kësaj kohe?

Mërkuri retrograd në vetvete nuk është gjë e keqe nëse e dini se çfarë të prisni dhe nëse merrni masat e duhura. Prandaj, do të ishte mirë që këtë periudhë ta shfrytëzoni për introspeksion dhe të mendoni për gjithçka që ju ndodh aktualisht.

commentFirst article
Sot mund të lexoni Shfletoni kopertinat