3 maska ​​për flokë të thatë që duhet t’i provoni gjatë verës

Life style

3 maska ​​për flokë të thatë që duhet t’i provoni gjatë verës

Më: 29 qershor 2022 Në ora: 23:17
Foto ilustrim

Mes diellit, klorit, ujit të kripur dhe erës, vera mund të jetë jashtëzakonisht e dëmshme për flokët tuaj. Por, cila është zgjidhja? Sigurisht, maskat e flokëve të bëra vetë. Maskat jo vetëm që janë një mënyrë e shkëlqyer për t’i dhënë flokëve tuaj pak më shumë dashuri, por gjithashtu bëhen shumë lehtë në shtëpi.

Maska e flokëve me mjaltë dhe banane

Përbërësit:

1 banane
1/4 filxhan mjaltë
1/2 filxhan kos

Përgatitja:

Së pari, shtypni bananen. Ajo është plot me vitamina, antioksidantë, kalium, duke e bërë atë perfekte për rinovimin e flokëve tuaj të thatë. Më pas shtoni mjaltin dhe kosin. Aplikoni masën homogjene në flokë dhe lëreni për 30 minuta. Më pas shpëlajeni mirë.

Maska me qumësht kokosi

Përbërësit:

2 pika vaj livando
2 lugë qumësht kokosi

Përgatitja:

Qumështi i kokosit funksionon si një hidratues natyral për flokët tuaj, veçanërisht për ata që janë të brishtë, gjë që e bën atë një maskë të mahnitshme për flokët e djegur nga dielli. Përzieni vajin me qumështin e kokosit dhe më pas aplikojeni përzierjen nga rrënja deri te skajet. Mund ta mbani gjithë natën.

Maska me luleshtrydhe

Përbërësit

8 luleshtrydhe
2 lugë majonezë

Përgatitja:

Pritini luleshtrydhet dhe përzieni të dy përbërësit përpara se t’i aplikoni në flokë të lagur. Lëreni maskën për 15 minuta. Shpëlajini mirë dhe admironi flokët tuaj të shëndetshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat