Mësoni se pse nuk duhet të flini në të njëjtin këllëf jastëku për dy ditë radhazi

Life style

Mësoni se pse nuk duhet të flini në të njëjtin këllëf jastëku për dy ditë radhazi

Më: 7 korrik 2022 Në ora: 00:24
Foto ilustrim

Asgjë nuk mund të sjellë ndjesi rehatie si shtrati i freskët dhe i pastër.

Këllëfi i jastëkut ka kontakt të drejtpërdrejtë me lëkurën tuaj dhe ekspertët mjekësorë rekomandojnë ta ndërroni atë dy deri në tri herë në javë.

Bright Side zbulon arsyet pse duhet t’i ndërroni më shpesh këllëfët e jastëkëve.

Tërheq merimangat e pluhurit

Çdo natë kur shkoni në shtrat, ju po transferoni djersën, mbetjet e grimit dhe 50 milionë qeliza të vdekura të lëkurës në jastëkun tuaj. Djersa dhe qelizat e vdekura të lëkurës krijojnë një mjedis të përsosur për merimangat e pluhurit që ushqehen me to dhe shumohen. Nëse nuk e ndërroni shpesh këllëfin e jastëkut, po e ekspozoni veten ndaj këtyre merimangave, që mund të jenë mjaft të dëmshme për shëndetin tuaj.

Mund t’ju shfaqen akne

Heqja e grimit para gjumit është një hap thelbësor për të arritur lëkurë të pastër dhe të bukur. Por edhe nëse duket se e keni hequr të tërin, mund të ketë mbetur ende ndonjë produkt në fytyrën tuaj që do të hyjë në jastëk dhe të qëndrojë atje derisa të lahet. I kombinuar me djersën dhe vajrat tuaja, ai lejon që bakteret të lulëzojnë dhe të irritojnë lëkurën tuaj, duke e bërë atë më të ekspozuar ndaj puçrrave.

Mund të dëmtojë flokët tuaj

Ju mund të shpenzoni shumë para për shampo të shtrenjta dhe trajtimin e flokëve, por arsyeja pse ato nuk po përmirësohen, mund të jetë mosndërrimi i këllëfit të jastëkut. Kur ktheheni herë në njërin krah e herë në tjetrin, derisa jeni në gjumë, pëlhurat e ashpra të pambukut mund të krijojnë fërkime dhe të shkaktojnë thyerjen e flokëve. Dhe nëse këllëfi juaj i jastëkëve është më pak se i freskët, mund të rrisni rrezikun e irritimit të lëkurës së kokës, e cila, nga ana tjetër, mund të ndikojë në shëndetin dhe bukurinë e flokëve tuaj.

Mund të ndikojë në gjumin tuaj

Nëse nuk e keni ndërruar këllëfin e jastëkut tuaj për një kohë të gjatë, gazrat e lëshuara nga të gjitha mikrobet dhe merimangat e pluhurit në të, mund të kontribuojnë në alergji dhe vështirësi në frymëmarrje. Kur nuk mund të merrni frymë siç duhet, mund të ndikojë në gjumin tuaj, duke ju bërë të ndiheni të rraskapitur në mëngjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat