Çfarë duhet të keni parasysh kur dilni për shopping, sipas ekspertëve

Life style

Çfarë duhet të keni parasysh kur dilni për shopping, sipas ekspertëve

Më: 10 gusht 2022 Në ora: 15:45
Ilustrim

Bronwyn Seier, menaxhere e përmbajtjes në 'Fashion Revolution' (një fushatë ndërkombëtare jofitimprurëse në industrinë e modës) - thotë se të jesh një "blerës i mirë" është një koncept që gjykohet ndryshe nga të gjithë. Hapi i parë, thotë Seier, për ta konsideruar veten një blerës të mirë duhet të jesh i informuar.

“Mëso rreth ndikimit që kanë zakonet e tua të blerjes në mënyrë që të investosh në blerje që janë të rëndësishme për ty dhe domethënëse për nevojat e tua", -thotë ajo.

Shantrelle P. Lewis, krijuese dhe themeluese e Shoppe Black, na kujton se tani 'informacioni është lehtësisht i arritshëm'.

“Të jesh një blerës i mirë është të dish saktësisht se ku dhe kë mbështesni sa herë që blini diçka. A po bëjnë mirë pronarët në botë? A po përvetësojnë kultura që nuk janë të tyret? A janë ata të përkushtuar për ta bërë botën, modën dhe industritë e tjera më të drejta? Këto janë pyetjet që unë bëj,” -thotë ajo. "Sa herë që blej diçka, dua të di nëse ndonjë prej atyre parave do të qarkullojë përsëri në komunitetin tim."

Maggie Zhou, shkrimtare kineze dhe fanatike e mirënjohur e modës, shprehet:

"Gjithmonë ka diçka thelbësisht ‘të keqe’ ose të paktën, ‘jo të mirë’ në shpenzimin masiv të parave në marka që jo të gjithë mund t'i përballojnë."

Për këtë arsye, Zhou është fokusuar të bëhet një blerëse më e mirë, e cila i konteston gjithmonë çmimet absurde, mbështet markat më pak të famshme dhe mbështet financiarisht markat që i justifikojnë çmimet e tyre.

Duke mbajtur këtë në mendje, është e rëndësishme të tregoheni shumë të arsyeshëm sa herë zgjidhni të blini diçka të kushtueshme në një sistem kapitalist shfrytëzues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat