Ku dallojnë pozitat “asistent administrativ” dhe “recepsionist”?

Life style

Ku dallojnë pozitat “asistent administrativ” dhe “recepsionist”?

Më: 11 gusht 2022 Në ora: 07:34
Foto ilustrim

Recepsionistët dhe asistentët administrativë janë pjesë e çdo industrie. Meqenëse të dyja pozitat i mbështesin punëdhënësit e tyre, shpesh ngatërrohen, por ato nuk janë të njëjtat. Mbase në këto çaste po e pyesni pse nuk janë të njëjtat, Akademi Pune e ka përgjigjen për ju.

Cilat janë detyrat e recepsionistit?

Recepsionisti i përshëndet dhe i mirëpret klientët, u përgjigjet telefonatave dhe i bën ata të ndihen rehat kur thërrasin dhe vijnë në zyrë. Disa i konsiderojnë recepsionistët si fytyrat e kompanisë duke qenë se ata ndër veprojnë me publikun dhe i bëjnë për vete klientët përmes aftësisë së tyre të shërbimit.

Recepsionistët merren me detyra të lehta zyre si caktimin e takimeve, radhitjen e emaileve si dhe printimin dhe dërgimin e dokumenteve. Recepsionistët të cilët kanë motivim, iniciativë dhe aftësi për të punuar në ekip, mund të ngjiten pa problem në pozitën e asistentit administrativ.

Çfarë bën asistenti administrativ?

Asistentët administrativë punojnë ngushtë me menaxherët dhe kolegët, duke dhënë mbështetjen e tyre në mënyrë që të ketë efikasitet në vendin e punës. Roli i tyre mund të përfshijë edhe përgjegjësi të recepsionistit, ani pse asistentët kanë pozitë drejtuese në zyrë me detyra të hollësishme si:

Organizimi i orareve

Rezervimi i aranzhimit të udhëtimit

Krijimi i agjendave për takime dhe konferenca

Krijimi procesverbaleve të takimit dhe transkriptimi i telefonatave

Hartimi i korrespodencës së kompanisë

Koordinimi mes departamenteve, drejtuesve ose shitësve të jashtëm

Marrja e pajisjeve dhe materialeve të tjera për personelin e ri

Zhvillimin e tabelave

Mbikëqyrja e buxhetit të departamentit

Raportimi i shpenzimeve

Planifikimi i aktiviteteve të ndryshme

Përmirësimi i procesit administrativ

Asistentët administrativë shpesh kanë fusha të specializuara që kanë nevojë për arsim dhe trajnime shtesë në atë industri. Shembull, ata mjekësorë punojnë me pagesat e sigurimeve, kodimin mjekësor, ose menaxhimin e të dhënave mjekësore.

Dallimet kryesore

Megjithëse numri i ngjashmërive mund të jetë edhe i madh, dallimet kryesore të këtyre pozitave janë:

Sasia e përgjegjësive: Asistentë administrativë kanë më shumë detyra të avancuara sesa recepsionistët.

Paga dhe niveli arsimor:Asistentët kanë pagë më të lartë sesa recepsionistët dhe kanë detyra që kërkojnë nivel më të lartë të arsimit dhe përvojës.

Aftësi kompjuterike: Një asistent administrativ duhet të njoh programe softuerike dhe teknologji të specializuar për fushën ose biznesin.

Orari i punës:Asistentët administrativë shpesh punojnë gjatë orarit të rregullt të punës, ndërsa recepsionistët, mund të punojnë herët në mëngjes ose natën vonë, varësisht nga kërkesat e klientëve. /Akademi Pune

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat