Përzieni këta tre përbërës dhe do të zgjidhni problemin e skuqjes në faqe: Maska që qetëson lëkurën në mollëza

Life style

Përzieni këta tre përbërës dhe do të zgjidhni problemin e skuqjes në faqe: Maska që qetëson lëkurën në mollëza

Më: 3 tetor 2022 Në ora: 21:52
Ilustrim

Para përdorimit të çfarëdo produkti, kërkoni këshillën e dermatologut

Lëkura e skuqur kryesisht shfaqet gjatë ditëve të ftohta, posaçërisht kur fryn era për shkak të së cilës lëkura bëhet e irrituar dhe e thatë.

Kundër skuqjes në lëkurë mund të luftoni me ndihmën e një maske e cila bëhet me vetëm tre përbërës.

Natyrisht, para përdorimit të çfarëdo produkti është e nevojshme të bëni një kontroll te dermatologu, në mënyrë që të eliminohet mundësia e sëmundjeve serioze, por edhe të merrni këshillë dhe rekomandim se si të luftoni me problemin tuaj.

Përbërësit:

▪ 1 lugë mjaltë,
▪ 2 lugë jogurt,
▪ 1/3 e filxhanit fjolla tërshëre.

shutterstock

Përgatitja:

Përzieni ujin e nxehtë dhe tërshërën së bashku dhe lëreni të qëndrojë për disa minuta në mënyrë që tërshëra të fryhet. Më pas derdhni 1 lugë gjelle mjaltë në masë sa është ende e ngrohtë dhe përzieni. Shtoni kosin dhe përziejini mirë.

Lani fytyrën dhe qafën me ujë të ngrohtë dhe një pastrues pa vaj për të hequr grimin dhe poret e hapura.

Aplikojeni maskën në mënyrë të barabartë dhe lëreni në fytyrë për rreth 15 minuta.

Hiqeni maskën me ujë të vakët, fshijeni butësisht me një leckë të butë nëse është e nevojshme.

Pasi ta hiqni maskën, spërkatni lëkurën me ujë të ftohtë për të mbyllur poret, më pas thajeni me një peshqir të butë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat