Kushtojuni rëndësi këtyre 3 gjërave për mirëmbajtjen e zonës intime

Life style

Kushtojuni rëndësi këtyre 3 gjërave për mirëmbajtjen e zonës intime

Më: 8 dhjetor 2022 Në ora: 09:01
Ilustrim

Edhe pse fatmirësisht, në ditët e sotme nuk është e vështirë të kesh akses në informacion, sërish shumë femra janë të paqarta dhe kanë dyshime rreth mirëmbajtjes së zonës intime, dyshime që nisin që nga mënyra e depilimit deri tek lloji i të brendshmeve që duhet të përdorin. Ndoshta mendoni se dini çdo gjë mbi këtë pjesë, mirëpo ka mundësi që të gaboni. Kushtojuni rëndësi këtyre 3 gjërave në mënyrë që të keni zonë të shëndetshme gjenitale.

1.Zgjidhni të brendshme pambuku: Materialet sintetike pengojnë qarkullimin e ajrit, rrisin lagështinë në pjesën intime duke krijuar në këtë mënyrë terren ideal për shumimin e baktereve. Kurse materialet e pambukut janë më higjienike dhe e lejojnë lëkurën të marrë frymë.

2.Ushtrimet Kegel: Femrat të cilat në mënyrë të rregullt praktikojnë ushtrimet Kegel, kanë qarkullim më të mirë të gjakut në zonë e legenit, që rezulton me shëndet më të mirë seksual dhe përvojë të plotë seksuale. Ushtrimet e Kegelit, të cilat përbëhen nga shtrëngimi dhe lëshimi i muskujve të poshtëm të legenit lehtësojnë arritjen e orgazmës dhe e bëjnë më të fortë ndjeshmërinë e vaginës gjatë seksit.Gjithashtu, ushtrimet Kegel ndihmojnë femrat që kanë probleme me urinimin e pakontrolluar.

3.Mos lani vaginën me sapunë ose larës intim: Shumë femra mendojnë se duke blerë larës të shtrenjtë i sigurojnë vaginës larje dhe pastrim më të mirë. Në të vërtetë vagina është organ vetëpastrues dhe duhet larë vetëm me ujë. Përdorimi i pakontrolluar i larësve largon nga vagina bakteret e mira dhe çrregullon vlerat normale të pH-it të saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat