Parashikimi i një divorci është i mundur dhe mbështetet nga kërkimet shkencore. Më poshtë keni të listuar 9 sinjale që mund të sjellin divorcin sipas shkencëtarëve.
Numri i buzëqeshjeve në fotot e tyre të fëmijërisë
Psikologët kryen një sërë testesh për të kuptuar nëse është e mundur të parashikohet divorci nga fëmijëria dhe fotot kur kanë qenë të vegjël. Në një studim, shkencëtarët shikuan foto nga një libri vjetor i kolegjit dhe vlerësuan intensitetin e buzëqeshjeve në një shkallë nga 1 deri në 10. Vlerësimi u bazua në shtrirjen e 2 muskujve: njëri shtrëngonte gojën dhe tjetri krijonte rrudha rreth syve.
Asnjë nga ata, buzëqeshja e të cilëve u vlerësua me “10” nuk u divorcua. Në përgjithësi, rezultatet tregojnë se njerëzit që duken të zymtë në foto divorcohen 5 herë më shpesh se ata që buzëqeshin.
Toni emocional i zërit të tyre
Një algoritëm kompjuterik mund të parashikojë suksesin e një martese, me një saktësi prej 79%, duke përdorur vetëm tonin e zërit të bashkëshortëve kur komunikojnë me njëri-tjetrin. Shkencëtarët analizuan bisedat e më shumë se 100 çifteve që po shkonin tek psikologu dhe më pas vëzhguan statusin e tyre martesor për 5 vjet. Rezulton se intensiteti, lartësia dhe dridhja mund të tregojnë emocione të forta.
“Ajo që thua nuk është e vetmja gjë që ka rëndësi, edhe mënyra se si e thua është shumë e rëndësishme. Studimi ynë konfirmon se kjo vlen edhe për marrëdhënien e një çifti”, thonë shkencëtarët.
Kolegët e seksit të kundërt
Sipas studiuesve danezë, njerëzit që punojnë kryesisht të rrethuar nga kolegë të seksit të kundërt divorcohen 15% më shpesh. Studimi i kësaj çështjeje arriti në një shkallë më të madhe kur u studiuan të gjitha çiftet që u martuan nga viti 1981 deri në 2002 në Danimarkë. Ata zbuluan se 100,000 prej tyre tashmë janë divorcuar.
Edukata e nënës
Janë femrat ato që bëjnë kërkesë për divorc më shpesh. Për më tepër, ka pasur studime që kanë treguar se shumica e çifteve kopjojnë sjelljen e prindërve, veçanërisht të nënave të tyre. Sociologët studiuan sjelljen e 7000 njerëzve dhe zbuluan se nëse një nënë hynte në një lidhje të re, mjaft shpesh (qoftë martesë apo thjesht bashkëjetesë), fëmijët e tyre do të silleshin njësoj.
Injorimi i konflikteve
Mund të duket se bashkëshortët mund të arrijnë të ruajnë paqen duke e bërë këtë, por kjo është e gabuar. Megjithëse debatet dhe grindjet nuk janë pjesa më e mirë e komunikimit në përgjithësi, ato ju ndihmojnë të përballoni gjërat. Ato nevojiten për të kuptuar çështjet e pazgjidhura. Nëse dikush vazhdon t’i injorojë këto situata, gjithnjë e më shumë zhgënjime mbeten të pazgjidhura.
Qëndrimi negativ i burrit ndaj miqve të gruas së tij
Shkencëtarët analizuan marrëdhënien e 373 çifteve, mbi 16 vite martesë. Doli se 46% e çifteve ishin divorcuar në vitin e 16-të të martesës dhe shpesh herë kritikat e burrit ndaj miqve të gruas së tij në vitin e parë të martesës e parashikonin atë ndërprerje në të ardhmen.
Sipas shkencëtarëve, kjo për faktin se marrëdhëniet midis grave dhe miqve të tyre, të cilat karakterizohen nga afërsia emocionale dhe mbështetja, zgjasin më shumë, ndërsa miqësia mashkullore më shpesh varet nga aktivitetet e përbashkëta. Prandaj, është më e lehtë për burrat të ndryshojnë rrethin e komunikimit të tyre dhe më e vështirë të pajtohen me miqtë e gruas së tyre, të cilët u duken të pakëndshme.
Dashuria e tepruar e të porsamartuarve ndaj njëri-tjetrit
Psikologu Ted Huston studioi 168 çifte brenda 13 viteve nga martesa e tyre. Rezultatet u botuan në revistën Interpersonal Relations and Group Processes në vitin 2001, ku thuhej: Kur ishin porsamartuar, çiftet që u divorcuan 7 ose më shumë vite më pas, treguan pothuajse 1/3 më shumë dashuri ndaj njëri-tjetrit sesa bashkëshortët me një martesa më të suksesshme.
Kjo për faktin se çiftet që nisën një lidhje me ndjenja të forta romantike kishin më shumë gjasa të ndaheshin sepse e kishin shumë të vështirë të ruanin intensitetin e atyre ndjenjave. “Besojeni apo jo, martesat që fillojnë me më pak ‘romanca hollivudiane’ zakonisht kanë të ardhme më premtuese”, thotë ekspertja Aviva Patz.
Varfëria dhe papunësia
Është shumë e qartë se të jetosh në kushte të vështira nuk është e lehtë. Marrëdhëniet në këto familje ndalojnë më shpesh sesa në familje të qëndrueshme financiarisht. Bob Birrell, bashkautor i një studimi në lidhje me rezultatet financiare për prindërit pas ndarjes, e konfirmon këtë: Njerëzit mendojnë se sistemi vepron në një mënyrë drakoniane për të nxjerrë para nga xhepat e burrave. Realiteti është se shumica e djemve të ndarë dhe të divorcuar janë me të ardhura të ulëta, ata paguajnë shumë pak për mirëqenien e nënës dhe fëmijëve të tyre.
Shtrat i ngushtë
Bashkëshortët duhet të flenë veçmas ose në një shtrat shumë të gjerë për shëndetin e tyre mendor dhe fizik, për të bërë gjumë të mirë dhe për një mjedis të shëndetshëm në familje. Shkencëtarët që studiojnë problemet e gjumit kanë zbuluar se 30-40% e çifteve flenë në shtretër të ndryshëm. Dhe kjo është në fakt mirë sepse gjumi me cilësi të dobët mund të çojë në divorc. Prandaj, nëse doni ta mbani marrëdhënien tuaj të fortë, sigurohuni që të flini mirë.
