Disa njerëz harxhojnë djersë dhe mund duke u stërvitur për orë të tëra në palestër, ndërsa të tjerë e kanë më kollaj që të qajnë. Nëse e keni gjetur ndonjëherë veten duke qarë në palestër, nuk jeni vetëm dhe ekspertët japin arsyet pse.
-Stresi
Nëse dikush po përjeton stres ose po kalon një periudhë të vështirë, gjatë stërvitjes mund të ndodhë një çlirim emocional. “Është diçka shumë normale nëse po kaloni një periudhë stresi. Mund të jetë çdo gjë: stres familjar, stresi i punës, ndryshimet në një marrëdhënie romantike etj”, thotë Brad Foltz psikolog sportiv. "Të kesh një përgjigje emocionale gjatë stërvitjes nuk është gjë e keqe," shtoi ai.
Palestra është vendi ku njerëzit mund të kenë "kohën e tyre" larg shpërqendrimeve. “Të stërvitesh në palestër kur nuk ke telefonin, fëmijët apo punët që të të hutojnë. Për shkak se po i eliminoni këto shpërqendrime, kjo krijon një hapësirë ??në trurin tuaj për t'u fokusuar tek emocionet,” shton Foltz.
-Lumturia
Jo vetëm që çlironi ndjenjat e ndrydhura, por e qara në palestër çon në prodhimin e endorfinës që mund të sjellë edhe lot gëzimi. Endorfinat janë hormone të lëshuara nga trupi gjatë përvojave si ushtrimet, masazhet, ngrënia ose seksi. “Thjesht stërvitja ose përfundimi i saj, mund të çojë në ndjenja krenarie dhe kënaqësie,” thotë për Matthew Sacco psikolog sportiv në Cleveland Clinic.
-Lodhja
Të qenit i/e lodhur gjatë një seance stërvitore mund të shkaktojë të qarë në palestër. “Kur trupi ose mendja juaj lodhet, atëherë ju filloni të ndjeni lloje të ndryshme emocionesh, të mira dhe të këqija”, u shpreh për Well + Good, Janine Delaney eksperte fitnesi.
-Përfitimet e të qarit
E qara çliron endorfinë, si dhe hormonin tjetër të ndjesive pozitive siç është oksitocina. E qara qetëson trupin duke aktivizuar sistemin nervor, teksa vepron si një qetësues dhimbjesh dhe përmirësues i humorit.
