Gjigandi zviceran i ushqimit Nestle ka njoftuar se planifikon të investojë 88.7 milionë dollarë, në kapacitetin prodhues në Brazil në segmentin e pijeve të kafesë nga linja Nescafe deri në vitin 2028.
Investimi i ri i planifikuar vjen pas njoftimit të kompanisë në maj të vitit të kaluar se do të investonte në segmentin e prodhimit në ekonominë më të madhe të Amerikës së Jugut deri në vitin 2026.
Brazili është konsumatori i dytë më i madh i kafesë në botë dhe investimi total i Nestle do të forcojë rolin strategjik të vendit të Amerikës së Jugut në rritjen globale të kompanisë, u tha në një prezantim.
Investimet e reja synojnë zgjerimin e fabrikës në Montes Claros në shtetin juglindor të Minas Gerais dhe rrjetin e makinave të kafesë Nestle Professional, tha kompania, raporton kp.
Marka Nescafe u krijua në Brazil, prodhuesi dhe eksportuesi më i madh në botë i kafesë, dhe në fazën fillestare përfshinte vetëm kafen.
Në pesë vitet e fundit, segmenti i kafesë me kapsula të Nestlé është rritur rreth 20 për qind.
