Një nga gjërat më të rrezikshme që ndodh brenda një marrëdhënieje është përçmimi – dhe, sipas Dr. Cortney S. Warren, psikologe e specializuar në marrëdhënie çiftesh dhe martesa, ky është fillimi i fundit për një lidhje dashurie.
Dr. Warren, e diplomuar në Shkollën Mjekësore të Harvardit dhe autore e mbi 50 artikujve shkencorë, thotë se mënyra se si flasim me partnerin mund të shkatërrojë ngadalë marrëdhënien. Në veçanti, komunikimi me përçmim – përmes fjalëve fyese, sarkazmës, tonit të ngritur apo gjuhës së trupit si rrotullimi i syve – është helm për një çift.
Këto janë 5 frazat më toksike që mund të dëmtojnë marrëdhënien tuaj:
“Ti nuk më meriton”
Një frazë që e vendos tjetrin në një pozitë inferiore dhe godet vetëbesimin. Më mirë thuaj: “Ndjej që kemi nevojë të rishikojmë çfarë po na mungon si çift.”
“Je patetik”
Etiketimi është gjithmonë shkatërrues. Fokusi duhet të jetë në sjellje, jo në personalitet. Zëvendësoje me: “Nuk më pëlqeu mënyra si veprove në atë situatë.”
“Po sillesh si i çmendur”
Ky është një shembull klasik i gazlighting, që shtrembëron perceptimin e tjetrit për realitetin. Më mirë: “Ndjej që reagimi yt po e tensionon edhe më shumë situatën.”
“Të urrej”
Një fjalë e rëndë që dëmton ndjeshëm besimin. Edhe në momentet më të nxehta, është më e mençur të thuash: “Kam nevojë për pak kohë për të qetësuar mendimet.”
“Mbaruam”
Të flasësh për ndarje në mes të një konflikti krijon pasiguri të thellë. Në vend të kësaj, sugjero: “Nuk po ndjehem mirë me këtë bisedë, a mund ta vazhdojmë më vonë?”
Si komunikojnë çiftet e shëndetshëm?
Dr. Warren thekson rëndësinë e:
Deklaratave “Unë”, për të ndarë përjetimet personale pa akuzuar;
Mirënjohjes së përditshme, edhe për gjërat e vogla;
Marrjes së përgjegjësisë, për të treguar maturi emocionale dhe përkushtim.
Në fund të ditës, siç thotë ekspertja:
“Nuk është mosmarrëveshja ajo që shkatërron një lidhje, por mënyra si flasim kur zemra na dhemb.”
