Martin Luther King ka thënë: “Dashuria është e vetmja fuqi e aftë për ta shndërruar armikun në mik”.
Fjalën dashuri e hasni kudo në jetën tuaj. Për të flitet në mënyrat nga më të ndryshmet, prandaj ekspertët kanë renditur disa arsye, pse të keni dashuri në jetën tuaj është diçka mjaft pozitive.
Shton kënaqësinë në jetë
Sipas studimeve të ndryshme, nëse ekziston dashuria në jetën tuaj, juve ju shtohet më shumë kënaqësia në gjëra të ndryshme të përditshmërisë suaj.
Bëheni njerëz më pozitivë
Mënyra si i mendoni gjërat është më pozitive. Ju mundoheni t’i ndihmoni njerëzit dhe nuk merrni anën negative të gjërave. Ju i buzëqeshni jetës!
Përmirëson shëndetin
Fakti se jeni të qetë shpirtërisht do të thotë se ju keni më pak mundësi për të pasur probleme me shëndetin. Dashuria, ju forcon imunitetin.
Jeni më produktivë në punë
Gjendja shpirtërore ndikon shumë në mënyrën si ju ecin gjërat në punë. Nëse nuk jeni të qetë me ndjenjat tuaja, me shumë mundësi nuk do jepni maksimumin tuaj në punë.
Shton vetëbesimin
Fakti që keni dashurinë në jetën tuaj, ju bën t’i përballoni gjërat me lehtësi dhe mos ta stresoni veten tuaj. Ajo ju bën t’i besoni vlerave që keni.
