Një studim i fundit ka hedhur poshtë idenë e përhapur se njerëzit që kritikojnë vazhdimisht janë më të zgjuar.
Sipas studiuesve, ata që mbështeten te negativiteti dhe kritika e pandalur shpesh performojnë më dobët në testet njohëse, duke sfiduar bindjen se kriticizmi është shenjë e inteligjencës.
Ekspertët theksojnë se kjo keqkuptim vjen nga perceptimi i gabuar se kritikët janë kompetentë, ndërkohë që në realitet ata shfaqin më shumë sjellje problematike, fajësim ndaj të tjerëve dhe një perceptim të deformuar të realitetit.
Negativiteti i vazhdueshëm, sipas tyre, lidhet shpesh me tipare të errëta të personalitetit dhe prirje antisociale, të cilat ndikojnë negativisht në marrëdhëniet sociale dhe aftësinë për të bashkëpunuar.
Në kontrast, ajo që lidhet vërtet me inteligjencën është kurioziteti, empatia dhe kritika konstruktive.
Këto cilësi ndihmojnë njerëzit të kuptojnë më mirë botën, të zgjidhin probleme në mënyrë efektive dhe të ndërtojnë marrëdhënie të shëndetshme.
Shkencëtarët rekomandojnë që në vend të përdorimit të vazhdueshëm të kritikës dhe negativitetit, individët të zhvillojnë aftësi që ndërtojnë mirëkuptim dhe forcojnë komunikimin konstruktiv.
Ky studim pritet të ndryshojë perceptimin mbi inteligjencën dhe të sfidojë stereotipet e zakonshme që shpesh shihen në jetën e përditshme./TAR
