Martesa është moment i bukur dhe emocionues, por shpesh jemi kaq të zënë me organizimin e dasmës, sa harrojmë gjënë më të rëndësishme, marrëdhënien që do të kemi pas saj.
Disa çifte dashurohen shpejt dhe martohen pa u menduar shumë, por të tjerë kuptojnë se edhe pas shumë viteve bashkë nuk e njohin vërtet partnerin. Para se të ftoni njerëzit dhe të gjeni fustanin e ëndrrave, kujdesuni që marrëdhënia juaj të jetë e shëndetshme, flisni hapur dhe sinqerisht me partnerin.
Ja 8 tema që do të shpëtojnë martesën tuaj nëse i diskutoni para dasmës:
Udhëtimet
Sipas trajnerit të jetës Bill Murray, udhëtimet janë testi më i mirë për dashurinë. Nëse mund të udhëtoni së bashku, përballoni vështirësi dhe jeni ende të dashuruar në fund të ditës, atëherë martohuni.
Paratë
Bisedoni hapur për financat. Në martesë nuk duhet të ketë asnjë sekret për këtë pjesë, sepse problemet financiare janë ndër arsyet kryesore të divorcit.
Familja
Martohesh me personin, por edhe me familjen e tij. Njihni familjen e partnerit për të kuptuar vlerat, traditat dhe për të shmangur konflikte të panevojshme.
Feja dhe politika
Këto tema janë shpesh burim i grindjeve. Diskutoni për to para martesës, sidomos nëse dëshironi të krijoni familje së bashku.
Lista e dëshirave
Bëni një listë të gjërave që doni të bëni bashkë, nga më normalja te më e çuditshmja. Kjo ndihmon për të krijuar lidhje më të fortë dhe për të njohur njëri-tjetrin më mirë.
Pritshmëritë
Diskutoni hapur për pritshmëritë nga martesa dhe marrëdhënia. Komunikimi pa frikë nga gjykimi është çelësi i një lidhjeje të shëndetshme.
Fëmijët
A dëshironi fëmijë? Sa? A është adoptimi një opsion? Bisedoni për këtë që të mos ketë surpriza më vonë.
Konfliktet
Mësoni të zgjidhni konfliktet si të rritur. Grindjet janë normale, por mënyra si i menaxhoni tregon sa e fortë është marrëdhënia juaj.
