Në këtë periudhë, përveç infeksioneve respiratore, simptomat e sëmundjeve alergjike po dominojnë, sipas deklaratave të drejtoreshës së Klinikës Universitare për sëmundje të fëmijëve në Shkup, asistent profesoreshë Valentina Cvejoska Çolakovska. Ajo tha se shumica e rasteve përfshijnë sëmundje si riniti alergjik, rinokonjuktiviti, laringiti, bronkoobstruksionet dhe acarimet e astmës.
“Kushtet e motit dhe ngrohja e menjëhershme kontribuan në vegjetacionin e hershëm të pemëve dhe barërave, gjë që rriti përqendrimin e polenit në ajër. Më shpesh, fëmijët me këto simptoma trajtohen në baza ambulatore. Në këtë moment Klinika ka 15 fëmijë të shtruar në nevojë për trajtim spitalor”, sqaroi drejtoresh e Klinikës së Fëmijëve.
Në ambulancat e Klinikës për sëmundje të fëmijëve në Shkup, po ashtu, kontrollohen në baza ditore nga 100 deri në 150 fëmijë, tregon Cvejoska Çolakovska.
Nuk kemi pasur alergji të tilla, në mesin e këtij shekulli konsiderohet se çdo i dyti fëmijë do të ketë një lloj alergjie. Por nuk është vetëm në vendin tonë, por në mbarë botën, nënvizoi drejtoresha, duke sqaruar se ka shumë arsye për rritjen e alergjive tek fëmijët, duke përmendur ndër të tjera edhe ndotjen e ajrit dhe se cila është dieta.
