Maqedonia është vlerësuar pozitivisht për performancën e saj në fushën e lirisë së medias sipas organizatës Reporterët pa Kufij.
Sipas një postimi në faqen e Facebook të zëvendëskryeministrit dhe nënkryetarit të LSDM-së, Fatmir Bytyqi, vendi është renditur në pozitën e 38-të në botë në Indeksin e Lirisë së Medias për vitin 2023.
“Që kur LSDM mori qeverinë në vitin 2017, Maqedonia është ngritur për 80 vende në renditjen globale, që paraqet përkushtimin tonë të palëkundur për të nxitur një treg të lirë dhe të pavarur mediatik. Kjo arritje pasqyron përkushtimin tonë për transparencë, llogaridhënie dhe vlera demokratike”, theskon Bytyqi.
Në përfundim, Bytyqi bën thirrje për mbrojtjen e lirisë së shtypit dhe ruajtjen e këtyre vlerave të rëndësishme, duke inkurajuar përpjekjet e bashkësisë për të krijuar një mjedis të përshtatshëm për zhvillimin e një medie të lirë dhe të pavarur në Maqedoni.
