Ekziston një marrëveshje për mos koalicionim pas zgjedhjeve me parti e cila nuk i pranon ndryshimet kushtetuese dhe e njëjta duhet të respektohet nga kushdo që fiton zgjedhjet.
Kështu thotë edhe kandidati për deputet nga radhët e koalicionit VLEN në zonën 2, Rijad Shaqiri.
Ai shprehet se kjo marrëveshje ka qëndrim të prerë dhe për të njëjtën thotë se është deklaruar edhe kreu i BDI-së, Ali Ahmeti.
Në lidhje me pritshmëritë e tyre për rezultatet në zgjedhjet kuvendare, ai tha se “anketat parashikojnë që rezultati më i keq është fitore 3 me 2 për opozitën, ndërsa në variantin më të mirë fitojnë 4 me 2”.
Ai gjithashtu theksoi se BDI në Kumanovë po shantazhon qytetarët e kategorive të rrezikuare me ndaljen e ndihmës sociale. Shaqiri thotë se për këtë kanë njoftuar edhe autoritetet kompetente.
