Zjarri mbi fshatin Sellcë në Malin Sharr ka filluar të vihet nënkotroll thonë nga Parku Kombëtar “Mali Sharr”. Por flakët kanë përfshi edhe kodrën e fshatit Gjermë.
“Fatkeqësisht, situata nga Sellca gjatë ditës së djeshme është bartur në atarin e fshatit Gjermë. Zjarri kaloi skajin e malit dhe u zhvendos në atë anë. Fatkeqësisht, një situatë e ngjashme ndodh me djegien e shpejtë të bimësisë shumë të thatë, kështu që tashmë shihet se ka shumë degë dhe ajo përparon ndryshe në vende të ndryshme në varësi të vegjetacionit.
Krahas këtij, në Malin Sharr kemi edhe dy zjarre të tjera dhe tashmë ekipet janë në terren”, njoftojnë nga Parku Kombëtar Mali Sharr për “Sloboden Peçat”.
Ditën e djeshme zjarri mbi fshatin Sellcë është shuar me helikopterë të policisë, ndërsa rojet e Parkut Kombëtar e kanë shuar nga toka.
Më shumë se 100 hektarë dru ahu u dogjën, ndërsa flakët formuan një kreshtë prej 5 kilometra të gjatë.
