Derisa Fronti Europian ankohet për rivotimin e së mërkurës dhe derisa kritikojnë VLEN-in se nuk ka legjitimitet për të përfaqësuar shqiptarët, Izet Mexhiti iu përgjigjet me një thënie.
“Ka një thënie, ai që humb ka të drejtë të qajë dhe vajtojë. Por mirë është që të gjejnë faktorët për humbjen, mirë është të reformohen e më pak të kërcënohen sepse i bëjnë keq vetvetes askujt tjetër”, tha Mexhiti.
Mexhiti foli edhe për marrëveshjen e majit të vitit 2007, me çka tha se ajo marrëveshje parasheh që qeveri të formojnë fituesi në kampin maqedonas me fituesin në kampin shqiptare. E sipas tij BDI iku nga koncepti etnik dhe kaloi në konceptin multietnik, dhe nuk është më pjese e kampit shqiptar.
“Momentin kur u deshtë të ballafaqohet VLEN me BDI, pas thirrjes së Ahmetit, ai për herë të parë iku, e la konceptin etnik dhe doli në konceptin multietnik. Unë them se është legjitime, por në momentin kur ke dal në konceptin multietnik dhe kur deklaron se ti garon në superligë, garon me OBRM-PDUKM dhe LSDM, atëherë e pret përfundimin e rezultateve. Përfundimi i rezultateve është që OBRM-PDUKM ka fitu, dhe ti që ke garu me OBRM-PDUKM ke humb dhe shkon në opozitë. Tash kur nuk i konvenon kjo, Osmani e Ahmeti mundohen të kthehen te kampi etnik. E këtu ka problem se kur është bë marrëveshja e majit në 2007 unë kam qenë në grupin me të cilin kam biseduar me OBRM-PDUKM dhe kemi ardhur deri te marrëveshja e majit, që është fituesi shqiptare me fituesin maqedon. Dhe në momentin që ke bo koalicion multietnk dhe thirresh në votat ë gjitha atyre nuk mund të jesh fitues shqiptar”, shtoi Mexhiti.
Sipas Mexhitit fitues absolut në kampin shqiptar është VLEN, sepse fitoi 107 mijë vota, duke shtuar se në Maqedoni nuk ka më shumë se 200 mijë vota shqiptare për shkak të migrimit.
