Miliarderi dhe titani i teknologjisë, Elon Musk mori pjesë ditë më parë në ceremoninë e 10-të të Breakthrough Prize.
Ai thuhet se ndau mendimin e tij mbi filmin e ardhshëm biografik të jetës së tij, që do të drejtohet nga regjisori i mirënjohur, Darren Aronosfsky.
Kur u pyet se kush duhet ta portretizonte atë, Musk shmangi pyetjen me zgjuarsi, duke u përgjigjur: “Kush mendoni se duhet të më portretizojë mua?”
Megjithatë, kur u ngrit sugjerimi i aktorit Bradley Cooper, Musk nuk mund ta ndalte të qeshurën, duke thënë madje se një aktor tjetër duhet të luante rolin e tij.
“Uh, si mendoni për aktorin Benedict Cumberbatch?”, theksoi miliarderi.
Mes të qeshurave, ai më pas iu drejtuar kamerës dhe pyeti aktorin: “Benedict çfarë mendon?”.
