Rita Ora, ylli shqiptar që ka arritur famë ndërkombëtare në industrinë e muzikës, e cila ka një ndjekje të madhe në skenat botërore falë hiteve të saj dhe energjisë unike, ka dhënë një lajm emocionues për fansat e saj.
Këngëtarja ka bërë të ditur se më 31 maj do të publikojë këngën e saj të re me titull “Ask And You Shall Receive”.
Ndarja e një videoje të re në Instagram, e cila nxori në dritë një pjesë të prapaskenave të xhirimeve të klipit të ri, ka krijuar një atmosferë të madhe pritjeje dhe kurioziteti te publiku.
Në videon e shpërndarë, Rita duket se po punon në një skenë, e cila në pjesën që është treguar, është xhiruar në një lavanderi.
“Duke i besuar procesit të fotografimit, ‘Ask & You Shall Receive’ vjen më 31 maj”, ka shkruar Ora në mbishkrimin e videos. Ky postim ka ngjallur imagjinatën e fansave, duke i bërë të pyesin dhe të presin me padurim për të zbuluar temën dhe stilin e kësaj kënge të re.
Publikimi i këngës “Ask And You Shall Receive” vjen pas përfundimit të një tjetër angazhimi të rëndësishëm për artisten, duke qenë pjesë e jurisë në spektaklin televiziv “The Masked Singer US”. Me këtë lëvizje, Ora vazhdon të mbajë vëmendjen e skenës muzikore dhe të tregojë se është një figurë që nuk ndalon së befasuari.
