Modeli legjendar i Samsung punon me Androidin më të ri – bëhet fjalë për Galaxy S III

Mobile

Modeli legjendar i Samsung punon me Androidin më të ri – bëhet fjalë për Galaxy S III

Më: 3 janar 2022 Në ora: 14:51
Foto ilustrim

Kur bëhet fjalë për zhvillimin e pajisjeve pasi që përkrahja teknike për to edhe zyrtarisht ndërpritet, disa modele nuk ndalen duke na befasuar.

Një situatë e tillë po ndodh me telefonin Samsung Galaxy S III, ku një numër i konsiderueshëm i përdoruesve të tij nuk e kanë harruar – pavarësisht faktit që bëhet fjalë për një model nga viti 2012.

Galaxy S III deri më tani është modifikuar, duke i mundësuar të punojë në dy sisteme operative – duke e vënë në punë Linux i bazuar në Sailfish IS, si dhe ka marrë përkrahjen teknike nga Linux Kernel.

Shtesa më e re për telefonin është Lineage OS 19.0 i themeluar për Android 12. Samsung Galaxy S III 3G (modeli GT-I9300) që e vë në funksion çipi Exynos 4412, tani mund të punojë nën softuerin Android 12 e kjo falë programerit “html6405”.

E nga gjërat që funksionojnë që në start janë radio, kamera, Wi-Fi, Bluetooth dhe riprodhimi i videove.

Natyrisht, disa funksione mungojnë, por ata që akoma e ruajnë një Samsung Galaxy S III, mund ta përdorin dhe ta provojnë këtë zgjedhje interesante. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat