OnePlus prezantonin Ace Racing, telefonin për “gejmerë” me buxhet të limituar

Mobile

OnePlus prezantonin Ace Racing, telefonin për “gejmerë” me buxhet të limituar

Më: 18 maj 2022 Në ora: 18:49
Foto ilustrim

Kompania OnePlus zyrtarisht ka prezantuar telefonin e mençur Ace Racing Edition, që është i dedikuar për “gejmerët” me buxhet të limituar.

Siç mund të vërehet edhe nga emri, telefoni i ri i mençur ka lidhje me modelin OnePlus Ace, që përdor të njëjtin procesor Dimensity 8100-Max që është i punuar me teknologjinë 5nm.

Ace “origjinal” vjen me 8 GB RAM dhe 128 GB memorie të brendshme kushton rreth 352 euro, derisa për Ace Racing duhet ndarë më pak – pra 280 euro.

OnePlus ka zvogëluar shpenzimet pasi që ekrani 6.7-inç AMOLED është zëvendësuar me një 6.5 LCD, kurse frekuenca e freskimit prej 120Hz nuk është ndryshuar.

Megjithatë, mbetet një ekran me cilësi të lartë, pasi mbulon DCI-P3 që ka dritë më të madhe prej 600 n, dhe se punon me panel prej 10-bit. Në anën tjetër, ekrani posedon teknologjinë HyperBoost.

Edhe bateria gjithashtu është ndërruar, për këtë pajisja ka baterinë prej 5.000 mAh që përkrahet nga mbushësi i shpejtë prej 67W. Për vetëm 29 minuta bateria mbushet nga 0-80 për qind të kapacitetit.

Ndryshe ka edhe në kamerë, ku në pjesën e pasme kamera kryesore është prej 64 MP, derisa ajo selfie prej 16 MP. Ace standard ka kamerë prej 50 MP.

Porositë e modelit OnePlus Ace Racing kanë filluar të pranohen. Në treg do të jenë të disponueshëm me konfiguracionet 8/128 GB, 8/256 GB dhe 12/256 GB.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat