Përdorues të iPhone 14 Pro Max raportojnë defekt në kamerë

Mobile

Përdorues të iPhone 14 Pro Max raportojnë defekt në kamerë

Më: 20 shtator 2022 Në ora: 15:40
Foto ilustrim

Një defekt i madh në iPhone-in e fundit të Apple po bën që kamera të dështojë fizikisht kur përdoren aplikacione të tilla sikurse TikTok, Snapchat dhe Instagram, kanë raportuar disa pronarë.

Sipas medieve të huaja, defekti në iPhone 14 Pro Max, modeli më i shtrenjtë në gamën e iPhone 14, duket se ndikon në veçorinë e stabilizimit optik të imazhit (OIS), i cili përdor një motor për të eliminuar efektet e dridhjeve të kamerës kur bën fotografi. Hapja e kamerës në aplikacione të caktuara bën që motori OIS të prishet, duke shkaktuar tinguj të dëgjueshëm bluarjeje dhe duke vibruar fizikisht të gjithë telefonin.

Apple nuk iu përgjigj kërkesave për koment në lidhje me këtë defekt, i cili është raportuar nga shumë përdorues në mediat sociale.

Dridhja nuk ndodh kur përdorni aplikacionin e integruar të kamerës, duke sugjeruar se rrënjët e problemit janë në një defekt softueri. Megjithatë, disa kanë paralajmëruar përdoruesit e prekur që të kufizojnë përdorimin e aplikacioneve që shkaktojnë defektin, në rast se dridhja e tepërt shkakton dëme të përhershme në sistemin OIS. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat