Prodhimi i iPhone 14 kushton kaq për qind më shumë se i iPhone 13

Mobile

Prodhimi i iPhone 14 kushton kaq për qind më shumë se i iPhone 13

Më: 9 tetor 2022 Në ora: 08:29
iPhone 14

Nikkei Asia njoftoi se çmimet e komponentëve për iPhone-ët më të ri ishte ngritur për 20 për qind duke arritur nivelin më të lartë të të gjitha kohërave. Prodhimi i iPhone 14 Pro Max kushton 514 euro, ngritje e madhe kjo në krahasim me iPhone 13, prodhimi i të cilit kushtonte 473 euro, dhe arsyeja kryesore është çipi A16 Bionic, i cili kushton 112 euro.

Nikkei shkori se që nga prezantimi i parë i modelit Pro Max në vitin 2018, çmimet për këto modele kanë qenë në mes të 410 euro dhe 462 euro. Ueb-sajti i lajmeve e bëri supozimin logjik se nëse Apple po merr goditje në koston e prodhimit pa i ndryshuar çmimet në SHBA, kompania duket se do të merr goditje në fitime.

Çipi A16 Bionic kushton 2.4 herë më shtrenjtë se çipi i kaluar A15, i cili gjithashtu është në dispozicion në 2 modelet e thjeshta, iPhone 14 dhe iPhone 14 Plus, raporton GSM Arena.

Një arsye tjetër janë sensorët e ri të Sony, CMOS, të cilat janë mbi 30 për qind më të mëdha në përmasa por edhe 50 për qind më të shtrenjtë, duke arritur kosto prej 15.40 euro. Apple ekranet e saj po i merr nga Samsung Display, një marrëveshje që ka disa vite që vazhdon.

Komponentët për pajisjet e iPhone 14 nga kompanitë me bazë në SHBA përbëjnë pothuajse një të tretën e kostove dhe kushtojnë mbi 10 për qind më shumë në krahasim me vitin 2021.

Koreja Jugore është ofruesi i dytë më i madh i komponentëve për telefona, dhe ndryshimi ka ndodhur kryesisht për shkak se Apple po prodhon vetë produktet e tyre, si për shembull edhe çipsetin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat