Rrjedhin informacione mbi opsionet e ngjyrave të OnePlus 11

Mobile

Rrjedhin informacione mbi opsionet e ngjyrave të OnePlus 11

Më: 27 nëntor 2022 Në ora: 17:28
Foto ilustrim

Të dhënat për OnePlus 11 (i njohur më parë si 11 Pro) që u zbuluan disa muaj më parë zbuluan dizajnin e smartfonit.

Ato treguan telefonin e mençur në ngjyrë të zezë, i cili tani veçse e dimë se do të quhet Matte Black.

Ky zbulim vjen nga informatori Max Jambor, i cili tha se OnePlus 11 do të vijë në ngjyrat Matte Black dhe Glossy Green.

Megjithatë, është e paqartë nëse këto do të jenë ngjyrat e vetme apo nëse do të ketë më shumë opsione.

Thuhet se OnePlus 11 do të vijë me Snapdragon 8 Gen 2 SoC, deri në 16 GB RAM dhe 256 GB hapësirë ruajtëse, dhe një ekran AMOLED 6,7″ QHD+ 120 Hz, raporton GSM Arena.

Ekrani do të ketë një “vrimë” në këndin e sipërm majtas për kamerën selfie 16 MP dhe një skaner gjurmë-gishtash në pjesën e poshtme për verifikimin biometrik.

OnePlus 11 do të ketë një trup qeramik dhe kornizë metalike, dhe paneli i tij i pasmë do të ketë tri kamera – kamera kryesore prej 50MP (IMX890), kamera për fotografi ultra të gjerë prej 48MP (IMX581) dhe kamera për telefoto prej 32MP (IMX709; zmadhimi optik i të cilës do të jetë 2x).

Sistemi i kamerës do të vijë gjithashtu me akordim Hasselblad.

Pjesa tjetër e pikave kryesore të OnePlus 11 përfshijnë një bateri 5,000 mAh me karikim me kablo prej 100 W, USB-C dhe mbështetje Dolby Atmos. Telefoni do të ketë gjithashtu lidhje me Bluetooth 5.2, Wi-Fi 6E dhe 5G.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat