Apple dëshiron të parandalojë situatat, kur të tjerët shikojnë mbi supe ndërsa përdorni telefonin tuaj celular.
Së fundmi, “molla nga Cupertino” ka paraqitur dy patenta me të cilat planifikon të zgjidhë këtë problem, siç raporton AppleInsider.
Patenta e parë flet për një “film privatësie” që përfshin një “shtresë që bllokon dritën” brenda ekranit të telefonit tuaj, kështu që ju mund të shihni se çfarë ka në telefon vetëm nëse jeni duke e parë drejtpërdrejt.
Një tjetër patentë përshkruan “ekranet me kënde përshtatëse shikimi”, duke sugjeruar që përdoruesit, kur nuk duan që dikush të shikojë telefonin e tyre, mund ta rregullojnë ekranin për t’iu përshtatur situatës.
Këto patenta nuk përmendin fjalë për fjalë pajisjet iPhone, dhe ato nuk kufizohen as në to – duke pasur parasysh teknologjinë e përshkruar, ato mund të aplikohen edhe për një iPad ose iMac.
Nga ana tjetër, nuk ka asnjë garanci që këto patenta do të marrin jetë si produkte përfundimtare.
