Seriali i animuar që ndjekin fëmijët tuaj “Peppa Pig” ka një histori të trishtë!

Ndryshe

Seriali i animuar që ndjekin fëmijët tuaj “Peppa Pig” ka një histori të trishtë!

Më: 26 nëntor 2021 Në ora: 19:18
Seriali i animuar “Peppa Pig”

Derrkucja Pepa ka jetuar një jetë të trishtë. Ajo banonte në një nga pyjet e Tennessee bashkë me vëllanë dhe prindërit e saj, të cilët vuanin nga skizofrenia.

Prindërit, duke qenë të paqëndrueshëm mendërisht, çdo herë e quanin atë një “Derrkuce” ose me emrin e ndonjë kafshe tjetër, sepse hante shumë ushqim. Kjo e bëri Pepën të imagjinonte se ishte në të vërtetë një kafshë dhe filloi të mendonte se ishte normale të krijoje miqësi me kafshë të tjera.

Një ditë Pepa e rrahu për vdekje vëllanë e saj, George. Me këtë rast, mund të kuptojmë edhe se Pepa nuk dinte ta kontrollonte inatin e saj. Ajo kishte kuptuar se prindërit e lëndonin vetëm atë, por jo vëllanë e saj, ndaj në nerva e sipër, e rrahu keq George duke i dhënë goditje të vazhdueshme në kokë. Prindërit, për ta larguar nga djali, e mbyllën Pepën në bodrumin e shtëpisë dhe e lanë aty për ditë të tëra të uritur.

Përpara se Pepa të vdiste, një burrë kishte humbur në pyllin ku jetonte familja e saj dhe u kërkoi atyre ndihmë për t’u strehuar të paktën për një natë. Prindërit, duke harruar që në bodrum kishin lënë Pepën, e pritën të panjohurin në shtëpi dhe i thanë të strehohej edhe ai në bodrum. I dhanë atij një batanijë, një jastëk, ushqimin e darkës dhe i thanë të zbriste në bodrum për të fjetur. Rastësisht, burri në fjalë takoi aty Pepën dhe i premtoi asaj se do e ndihmonte për ta nxjerrë nga ajo shtëpi, por vetëm nëse Pepa do t’i tregonte historinë e saj.

Pepa i rrëfeu gjithçka mbi jetën e saj të trishtë dhe i panjohuri vendosi të përfitonte prej saj. Ai e strukturoi gjithë historinë e rrëfyer nga Pepa, u dha emra kafshëve dhe ia shiti atë histori një kompanie televizive për të realizuar një serial televiziv për fëmijë.

Ai e ndihmoi atë natë Pepën të mbulohej me batanijen e tij, të konsumonte gjithashtu gjysmën e ushqimit që prindërit e saj i dhanë, por vetëm kaq. Më vonë ai u largua nga ajo shtëpi, i pushtuar nga lakmia dhe me dëshirën për të përfituar prej asaj historie.

Kompanisë televizive iu duk tepër interesante kjo histori dhe vendosi të krijonte filmin vizatimor “Dërrkucja Pepa”. Thuhet se Pepa vdiq disa javë pas transmetimit të serialit. Këtu përfundon edhe historia e saj e trishtë, e cila krahas suksesit televiziv që pati si histori, lë pas një mesazh shumë të rëndësishëm për secilin nga ne. Asnjëherë nuk duhet të përfitohet nga fëmijët, aq më tepër nga fëmijët e sëmurë e të lënë pas dore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat