Ndodh edhe kjo: Deputetja shkon me biçikletë në spital për të lindur fëmijën

Ndryshe

Ndodh edhe kjo: Deputetja shkon me biçikletë në spital për të lindur fëmijën

Më: 28 nëntor 2021 Në ora: 12:45
Julie Anne Genter

Deputetja e Zelandës së Re, Julie Anne Genter, ka udhëtuar me biçikletë deri në spital, ku një orë më vonë solli në jetë fëmijën.

Ajo u ul në biçikletë gjatë të shtunës në mëngjes dhe u nis drejt spitalit. Asaj tashmë i kishin filluar t’i shfaqen simptomat e para, se për pak orë duhet të futet në sallë për të lindur.

“Lajm me rëndësi! Në ora 3:04 të mëngjesit i kemi uruar mirëseardhjen anëtarit më të ri të familjes tonë. Sinqerisht, nuk planifikoja të shkojë me biçikletë që të lind, por kështu ndodhi”, ka shkruar ajo në Facebook.

Politikanët e këtij shteti prej pesë milionë banorë, kanë reputacion dhe janë shumë modest dhe bëjnë jetë të thjeshtë.

“Dhimbjet nuk i kisha edhe aq të mëdha kur u nisëm për në spital, edhe pse ishte vetëm 3 minuta larg. Por intensiteti i dhimbjes u rrit derisa po i afroheshim spitali”, ka shtuar ajo – duke theksuar se ka sjellë në jetë një fëmijë të shëndoshë e të lumtur që tani po fle me babanë.

Genter edhe gjatë procesit të lindjes së parë, kishte shkuar me biçikletë në spital në verën e vitit 2018.

Kryeministrja Jacina Ardern, kishte shkuar në mbledhjen e prindërve duke marrë me vete fëmijën tremuajsh, siç kishte vepruar njëjtë edhe gjatë një takimi në Kombet e Bashkuara.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat