Fitoi 5 milionë euro në lotari, i bie të fikët nga gëzimi

Ndryshe

Fitoi 5 milionë euro në lotari, i bie të fikët nga gëzimi

Më: 5 janar 2022 Në ora: 22:39
Foto ilustrim

Një grua e moshuar me banim në Groseto të Italisë humbi ndjenjat pasi fitoi 5 milionë euro me një biletë lotarie “Gratta e vinci” (Gërvisht dhe fito).

Pas fitimit të 5 milionë eurove, mësohet se gruas i ka rënë të fikët nga gëzimi në dyqanin ku e kishte blerë biletën fituese.

Mediat italiane theksojnë se pensionistja e mori veten pas disa minutash dhe u largua shumë e lumtur.

“Bëhet fjalë për një kliente që dëshiron të mbetet anonime”, ka thënë për Ansa-n pronari i kompanisë.

Ndërsa shitësi i biletës u shpreh: “E përgëzuam pasi i dhamë ndihmën e parë. Atë biletë ia kam shitur me dorën time. Ishte një emocion i fortë edhe për mua”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat