Pamje të pabesueshme të sulmit të demit ndaj vrapuesit

Ndryshe

Pamje të pabesueshme të sulmit të demit ndaj vrapuesit

Më: 21 shtator 2022 Në ora: 08:22
Pamje nga vendi i ngjarjes

Në pamjet e fundit nga festivali tradicional i vrapimit të demave në Spanjë shihej sot një sulm makabër i demit të provokuar ndaj një prej anëtarëve të publikut që fatkeqësisht e gjeti veten “tek për tek” me kafshën gjigante me brirë.

Skenat e vrazhda tregojnë spektatorët që ulërasin teksa burri i pafat kapet përtokë nga demi dhe goditet pa ndalim gjatë festës së djeshme në festivalin ‘Humanes de Madrid’.

Video tregon burrin që mbetet i palëvizur në trotuar pasi demi gris me brirë bluzën e tij duke e sulmuar me tërbim.

I plagosuri u dërgua me urgjencë në spital në Fuenlabrada e Getafe.

Sulmi i demit është i disati gjatë festivaleve të sivjetshme në rajonin e Madrid, ku demat lëshohen nëper rrugët e ngushta te kalldrëmit dhe ndiqen ose provokohen nga vrapuesit që sillen rreth tyre.

Javës që shkoi një punonjës i Mbrojtjes Civile u plagos nga demi që kishte hyrë mes një ndarjeje të ngushtë mes gardheve në Campo Real.

Ndërsa muajin që shkoi një burrë në të 60-at u goit për vdekje nga demi në Alarpardo, si dhe një tjetër u plagos rëndë në Navalcarnero më 10 shtator, raporton britanikja Daily Mail.

Pamjet KETU

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat