Tradicionalisht, një ditë pas Krishtlindjeve, Britania e Madhe ka një tjetër festë, e cila quhet “Boxing Day”.
Kjo ditë është vendosur pushim, ku qytetarët britanikë duhet të shpërndajnë sa më shumë dhurata dhe dashuri për personat që janë në nevojë.
Në të gjitha dyqanet bëhen ulje të mëdha. Kjo ka bërë që të plasë një sherr brenda dyqanit të rrobave, Pull&Bear në Oxford Street në Londër.
Siç shihet nga pamjet e publikuara nga Daily Mail, dy gra janë përfshirë në një sherr me njëra-tjetrën. Nuk dihet se për çfarë nisi konflikti, teksa një prej punonjësve hyri për t’i ndarë.
Por fatkeqësisht, ajo pësoi një goditje në kokë. Përfundimisht, ishte roja i sigurisë i cili ndau dy gratë.
