Veterinaret i dhanë kola me gaz një gomari të sëmurë për të ndihmuar në lehtësimin e bllokimit në stomakun. Gomari i quajtur Joey “banues” në Sidmouth, Devon të Britanisë kishte një gjendje të njohur si impaksion gastrik. Ishte aq keq sa nuk mund të hante e të pinte asgjë dhe kishte shumë dhimbje.
Veterinerët i dhanë Joey-t 24 litra pije të gazuara gjatë katër ditëve përmes një tubi në hundë dhe tani ai është “kthyer në veten e zakonshme dhe të lumtur”.
Veterinari Jamie Forrest tha se kola shpërndau bllokimin, një procedurë që e kishte provuar më parë me rezultate “vërtet të mira”. Ai shpjegoi se ata përdorën kola me yndyrë të plotë sepse Joey kishte nevojë për kalori shtesë për të parandaluar dëmtimin e mëlçisë dhe veshkave. “Ne e administruam kola-në duke i futur një tub në hundë Joey-t, duke i shkuar direkt në stomak”, tha ai cituar nga BBC.
“Dhe më pas ne administruam kola tre herë në ditë, gjatë një periudhe katër ditore për të zbërthyer bllokimin”. Ndikimet gastrike janë të rralla te gomerët dhe veterinerët shohin vetëm disa raste në vit, tha ai.
Ai gjithashtu paralajmëroi se kola duhet t’u jepet kafshëve vetëm nga një veteriner për një arsye specifike, dhe jo si pije e zakonshme.
“Joey është kthyer në gjendjen e zakonshme dhe gjithashtu ka bërë një mik të ri, kështu që ai po ecën shumë mirë,” tha ai.
