Protestat duhen bërë, dhe që të jetë protesta kombëtare duhet së pari kauza dhe arësyeja e të protestuarit , dhe që të behen ato të besueshme duhet parë se kush i organizon ato; duhet parë se a bëhen ato për interesa madhore kombetare apo synohet që të manipolohet protesta per interesa personale politike e korruptive.
Me 11 shkurt 2023 , apo ne cfaredo kohe unë si qytetar do të kisha shkuar në protestë, do shkoja në protestë nëse ajo bëhej për zgjedhje të parakohshe ,pasi ky pushtet është pushtet i blerjes së votave, pra do shkoja në protestë nëse atë do e organizonte PD dhe Basha të cilëve iu vodh fitorja me 25 Prill 2021, si dhe ne cdo proteste që do te organizonte shoqëria civile kunder dhe për shëmbjen e regjimit antipublik të Edi Rames.
Do të shkoja në protestë nëse ajo do të kishte si kauza dhe të bëhej edhe në mbeshtetje të VETTING-ut, në mbështetje të luftës ligjore kundër krimit e korrupsionit; do kisha shkuar në mbështetje të vendosjes së sanksioneve, ne mbeshteje te shpalljeve “non grata” nga SHBA të personava të korruptuar e që mbrojnë korrupsionin ,si dhe do të kisha shkuar në mbështetje edhe të asaj që SHBA heton ishoficerin e FBI si i korruptuar nga kryeministri shqiptar për të sulmuar opoziten, Lulzim Bashën dhe PD-në.
Do shkoja në këtë protestë nese atë do ta organizonte kushdo tjetër , përvec atyre të cilët nuk kanë moral për të protestuar, që janë kundërshtare të VETTING-ut, te cilet janë të shpallur non grata nga SHBA, që janë ishspiunë dhe të cilet kanë intriguar e korruptuar edhe te huaj kundër opozitës , PD-së dhe kundë ishkryetarit të saj z.Basha.
